భక్తులకు అన్నప్రసాదాలు వితరణ

పురటాసి మూడో శనివారం సందర్భంగా వేదం గ్రూప్స్ అధినేత అముదాల ప్రభాకర్ ఆధ్వర్యంలో భక్తులకు అన్నప్రసాద వితరణ చేశారు. అలిపిరి లింక్ బస్టాండ్ వద్ద శనివారం జరిగిన కార్యక్రమానికి శ్రీపద్మావతి ఎడ్యుకేషనల్ ఇన్‌స్టిట్యూషన్స్ డైరెక్టర్ ప్రణీత్ పెనుమాదు ముఖ్య అతిథిగా పాల్గొని సుమారు 3 వేల మంది భక్తులకు అన్న ప్రసాదాలు పంపిణీ చేశారు. అనంతరం ఆయన మాట్లాడుతూ అలిపిరి మార్గంలో శ్రీవారి దర్శనానికి వెళ్లే భక్తులకు అన్న ప్రసాదాలు వితరణ చేయడం గొప్ప సేవకు నిదర్శనమని పేర్కొన్నారు.వేదం మొబైల్స్ అధినేత అముదాల ప్రభాకర్ మాట్లాడుతూ శ్రీవారి భక్తులకు తమ వంతు సేవ అందించాలనే ఉద్దేశంతో ఈ కార్యక్రమాన్ని నిర్వహించామని, భవిష్యత్తులో మరిన్ని సేవా కార్యక్రమాలు నిర్వహిస్తామని తెలిపారు. సురా మోహన్ ప్రసాద్, శ్రీనివాసులు, పార్థసారథి, మురళి, దామోదర్, సుధాకర్ పాల్గొన్నారు.

సీఎం గౌడ్ తిరుపతి ప్రతినిధి