భక్తిశ్రద్ధలతో అయ్యప్ప స్వామి జన్మ నక్షత్ర మహోత్సవం

ఆరిలోవ, సూర్య : జీవీఎంసీ,12వ వార్డు హనుమంతువాక భక్తతుకారాం రామాలయంలో అయ్యప్ప స్వామి వారి జన్మ నక్షత్రమైన ఉత్తరా నక్షత్ర పూజలు గురువారం గురుస్వామి డాక్టర్ బైపల్లి సోమేశ్ ఆధ్వర్యంలో   వైభవంగా జరిపారు.  మాలధారణ తీసుకున్న  అయ్యప్ప స్వాములు ప్రత్యేక పూజా కార్యక్రమాలు నిర్వహించారు. ఆలయంలో కొలువుతీరిన అయ్యప్ప స్వామి వారికి భక్తులు వివిధ పవిత్ర ద్రవ్యాలతో విశేష అభిషేకాలు, పూజలు జరిపారు. ఉత్సవ విగ్రహానికి భక్తులు పంచామృతాలతో  అభిషేకాలు చేసి స్వామివారి కృపకు పాత్రులు అయ్యారు. సాయంత్రం ఆలయ ప్రాంగణంలో ఏర్పాటు చేసిన అయ్యప్ప స్వామి పాటలు, భజన కార్యక్రమం అందరినీ ఆకట్టుకుంది.