బీసీలకు రూ. 80,000 రాయితీతో సోలార్ విద్యుత్ ఏర్పాటు!

సూర్య న్యూస్ అద్దంకి.

బీసీ కమ్యూనిటీకి చెందిన ప్రజల కోసం ప్రత్యేక సోలార్ ఏర్పాటుకు సబ్సిడీని అందిస్తున్నట్లు అద్దంకి ఏడీఈ దామోదరం తెలిపారు. ఇంటిపై 100 చదరపు అడుగుల స్థలం ఉన్న బీసీ కమ్యూనిటీ వారు ఈ సోలార్‌ను ఏర్పాటు చేసుకోవచ్చని ఆయన పేర్కొన్నారు. ఈ పథకం కింద కేంద్ర ప్రభుత్వం రూ. 60,000 మరియు రాష్ట్ర ప్రభుత్వం మరో రూ. 20,000 అదనంగా సబ్సిడీ అందుతుందని వెల్లడించారు. దీని ద్వారా గృహ అవసరాలకు సరిపడా కరెంట్ తయారు చేసుకోవడంతో పాటు, అదనంగా ఉత్పత్తి అయిన విద్యుత్‌ను డిపార్ట్‌మెంట్‌కు ఎక్స్‌పోర్ట్ చేయడం ద్వారా యూనిట్‌కు రూ. 2.09 చొప్పున నేరుగా లబ్ధిదారుల బ్యాంకు ఖాతాల్లో జమ చేయబడుతుందని ఆయన వివరించారు. ఈ సదుపాయాన్ని వినియోగించుకోవాలనుకునే వారు తమ కరెంట్ బిల్లు, బ్యాంకు అకౌంట్ మరియు ఆధార్ కార్డు వివరాలతో దరఖాస్తు చేసుకోవాలని సూచించారు.