బాలల భీమాకు టీడీపీ మండల కన్వీనర్ గుత్తా శ్రీనివాసులు నాయుడు విరాళం

బాలల భీమాకు టీడీపీ మండల కన్వీనర్ గుత్తా శ్రీనివాసులు నాయుడు విరాళం

-2,261 మంది విద్యార్థులకు రూ.11,305లు విరాళం

పుట్లూరు, మేజర్ న్యూస్: మండలంలోని ప్రభుత్వ పాఠశాలల్లో చదువుకుంటున్న విద్యార్థుల బాలల భీమా కోసం మండల టీడీపీ కన్వీనర్ గుత్తా శ్రీనివాసులు నాయుడు రూ.11,305 విరాళంగా అందజేశారు. మండల పరిధిలోని ప్రభుత్వ పాఠశాలల్లో విద్యనభ్యసిస్తున్న 2,261 మంది విద్యార్థులకు ఒక్కొక్కరికి రూ.5 చొప్పున ఈ మొత్తాన్ని అందించారు. ఈ మేరకు రూ.11,305 నగదును మండల విద్యాధికారి-II ప్రేమ్ కుమార్‌కు అందజేశారు. ప్రభుత్వ పాఠశాలల్లో చదువుకుంటున్న విద్యార్థుల భద్రత, సంక్షేమానికి తోడ్పడాలనే ఉద్దేశంతో బాలల భీమా కోసం ఈ విరాళాన్ని అందించినట్లు తెలిపారు. విద్యార్థుల భవిష్యత్తుకు భరోసా కల్పించే కార్యక్రమాలకు ప్రతి ఒక్కరూ తమ వంతు సహకారం అందించాలని ఈ సందర్భంగా పేర్కొన్నారు.