అన్నపూర్ణా దేవిగా విశ్వ దుర్గేశ్వరి అమ్మ వరి కంకులు దండలుగా కట్టి ఆలయం అలంకరణ

తాడేపల్లిగూడెం, మేజర్ న్యూస్; తెలుగుదేశం పార్టీ రాష్ట్ర ఆర్గనైజింగ్ సెక్రటరీ, తాడేపల్లిగూడెం పట్టణ మాజీ మున్సిపల్ వైస్ చైర్మన్ గొర్రెల శ్రీధర్ ఆధ్వర్యంలో 17వ వార్డు, విశ్వదుర్గేశ్వరి పేటలో శ్రీ విశ్వ దుర్గేశ్వరి అమ్మవారి ఆలయం నందు ఐదవ రోజు శ్రీ విశ్వ దుర్గేశ్వరి అమ్మవారిని అన్నపూర్ణా దేవిగా తీర్చిదిద్దారు. అమ్మవారి ఆలయాన్ని ఎంతో సుందరంగా వరి కంకులు దండలుగా కట్టి ఆలయం మొత్తాన్ని అలంకరించి, ఆలయ ప్రాంగణం, అమ్మవారి ఆలయాన్ని పచ్చటి పైరు, వరి కంకులు నెలకొల్పి అలంకరించి  వచ్చిన భక్తులందరికీ అమ్మ తీర్థ ప్రసాదాలు అందించారు. పచ్చటి వరి పొలాలలో అమ్మవారి దర్శనం ఇస్తే ఎలా ఉంటుందో ఆ విధంగా అన్నపూర్ణాదేవిగా అమ్మవారు దర్శనమిస్తున్నారు. కూనిరెడ్డి ప్రసాద్ విమల దంపతులు యాండ్రపు శ్రీనివాస్, రామలక్ష్మి దంపతులచే ప్రత్యేక పూజ కార్యక్రమాలు, హోమాలు నిర్వహించారు. ఈ కార్యక్రమంలో మహిళా భక్తులు, భవానీలు పెద్ద సంఖ్యలో పాల్గొని కుంకుమ పూజలు, ప్రత్యేక పూజా కార్యక్రమాలు, హోమాలు నిర్వహించారు. భక్తులు పెద్ద సంఖ్యలో పాల్గొని అమ్మవారిని దర్శించుకున్నారు.

 రిపోర్టర్ శ్రీనివాస్ తాడేపల్లిగూడెం పశ్చిమగోదావరి జిల్లా