అనంతపురం రూరల్ నూతన డీఎస్పీగా అశ్విన్ మణిదీప్

అనంతపురం రూరల్ నూతన డీఎస్పీగా  అశ్విన్ మణిదీప్

ఎస్పీ పి. జగదీష్‌తో మర్యాదపూర్వక భేటీ.

అనంతపురం రూరల్ నూతన డీఎస్పీగా అశ్విన్ మణిదీప్ బాధ్యతలు స్వీకరించారు. అనంతరం జిల్లా ఎస్పీ  పి. జగదీష్‌ను ఆయన కార్యాలయంలో మర్యాదపూర్వకంగా కలిశారు. ఈ సందర్భంగా పుష్పగుచ్ఛం అందజేశారు.

రూరల్ పరిధిలో శాంతిభద్రతల పరిరక్షణకు అత్యధిక ప్రాధాన్యం ఇవ్వాలని పి. జగదీష్ సూచించారు. నేరాల నియంత్రణపై నిరంతరం నిఘా ఉంచడంతో పాటు ప్రజల నుంచి వచ్చే ఫిర్యాదులపై వేగంగా స్పందించి సమస్యలను పరిష్కరించాలని ఆదేశించారు.

అశ్విన్ మణిదీప్ గతంలో ఇదే జిల్లాలో శిక్షణ పొందుతున్న  అధికారిగా విధులు నిర్వహించారు. దీంతో ప్రాంత పరిస్థితులు, భౌగోళిక అంశాలు, ప్రజల సమస్యలపై ఆయనకు అవగాహన ఉంది. గత అనుభవాన్ని ఉపయోగించుకుని సమర్థవంతంగా విధులు నిర్వహిస్తూ ప్రజా రక్షణకు ప్రాధాన్యం ఇస్తానని ఆయన తెలిపారు