అండర్-17 జూడో జట్ల ఎంపిక పోటీలు

ఎడ్యుకేషన్ స్టాఫ్ రిపోర్టర్ : ఉమ్మడి చిత్తూరు జిల్లా ఎస్ జి ఎఫ్ ఆధ్వర్యంలో అండర్-17 జూడో బాలబాలికల ఎంపిక పోటీలు శ్రీనివాస స్పోర్ట్స్ కాంప్లెక్స్ లో కార్యదర్శులు సాంబశివరావు, అమ్ములు పర్యవేక్షణలో నిర్వహించారు. శుక్రవారం జరిగిన ఎంపిక పోటీలకు జిల్లా నలుమూలల నుంచి సుమారు 150 మంది క్రీడాకారులు పాల్గొన్నారు. ఈ కార్యక్రమానికి డిఎస్డివో శశిధర్ ముఖ్యఅతిథిగా హాజరై క్రీడలు విద్యార్థుల శారీరక, మానసిక అభివృద్ధికి దోహదం చేస్తాయని, రాష్ట్రస్థాయిలో ప్రతిభ చూపి జిల్లాకు పేరు తీసుకురావాలని క్రీడాకారులకు సూచించారు. ఇందులో ప్రతిభ చూపిన క్రీడాకారులను రాష్ట్ర జట్టుకు ఎంపిక చేసి, ఈ నెల 20 నుంచి 22 వరకు కాకినాడలో నిర్వహించే రాష్ట్రస్థాయి ఎస్ జి ఎఫ్ జూడో పోటీలకు పంపనున్నారు. ఈ ఎంపిక కమిటీ సభ్యులుగా జూడో కోచ్ లు గోపి, తేజ వ్యవహరించారు. ఈ కార్యక్రమంలో చిత్తూరు జిల్లా వ్యాయామ ఉపాధ్యాయులు చంద్రశేఖర్ రాజు, ముద్దుకృష్ణ, ప్రసన్న, విద్యాలత, రూపలత, పుష్పవాణి పాల్గొన్నారు.

సీఎం గౌడ్ తిరుపతి స్టాప్ రిపోర్టర్