అంబేడ్కర్ కోనసీమ జిల్లా జడ్పీ పీఠంపై గొల్లపల్లి అమూల్య....
*అంబేడ్కర్ కోనసీమ జిల్లా జడ్పీ పీఠంపై గొల్లపల్లి అమూల్య.... మామిడికుదురు *
*అమలాపురం మేజర్ న్యూస్ డాక్టర్ బి.ఆర్.అంబేద్కర్ కోనసీమ జిల్లా పరిషత్ ఛైర్పర్సన్గా గొల్లపల్లి అమూల్య ఎంపికయ్యారు. తెలుగుదేశం పార్టీకి చెందిన ఆమె, 2026 స్థానిక సంస్థల ఎన్నికల్లో మామిడికుదురు జడ్పీటీసీ స్థానం నుంచి పోటీ చేసి విజయం సాధించారు. ఎన్నికల్లో సుమారు 12 వేల ఓట్ల మెజారిటీతో గెలుపొందడం విశేషం. రాజకీయాల్లో చురుగ్గా వ్యవహరిస్తున్న అమూల్య, గతంలో రాజోలు నియోజకవర్గ టీడీపీ ఇన్చార్జిగా బాధ్యతలు నిర్వహించారు. పార్టీ కార్యక్రమాలతో పాటు నియోజకవర్గ ప్రజలకు అందుబాటులో ఉంటూ రాజకీయ కార్యకలాపాల్లో పాల్గొన్నారు. తాజాగా జిల్లా పరిషత్ ఛైర్పర్సన్గా బాధ్యతలు చేపట్టే అవకాశం దక్కడంతో జిల్లా రాజకీయాల్లో కీలక స్థానాన్ని పొందారు. జిల్లా పరిషత్ పరిధిలోని గ్రామీణ ప్రాంతాల అభివృద్ధి, స్థానిక సంస్థల సమన్వయం, ప్రజా సమస్యల పరిష్కారానికి ప్రాధాన్యత ఇవ్వాల్సిన బాధ్యత ఆమెపై ఉంది. కోనసీమ జిల్లా పరిషత్కు నాయకత్వం వహించనున్న అమూల్య పదవీకాలంలో జిల్లా అభివృద్ధికి ఎలాంటి ప్రాధాన్యత ఇస్తారో వేచి చూడాలి.