ఆయన త్యాగం మరువలేనిది

ఎడ్యుకేషన్ స్టాఫ్ రిపోర్టర్ :రాష్ట్ర అవతరణ దినోత్సవాన్ని రంగస్థలి చైర్మన్ ఆధ్వర్యంలో ఆదివారం చిగోరా ఆధ్యాత్మిక కేంద్రంలో ఘనంగా నిర్వహించారు. ఈ సందర్భంగా అమరజీవి పొట్టి శ్రీరాములు చిత్రపటానికి రంగస్థలి చైర్మన్ గుండాల గోపినాథ్ నివాళులర్పించారు. అనంతరం ఆయన మాట్లాడుతూ అమరజీవి పొట్టి శ్రీరాములు ఆంధ్ర రాష్ట్ర స్థాపన కోసం చేసిన త్యాగం ఎప్పటికీ మరువలేనిదన్నారు. ఆయన ఆత్మీయ త్యాగం వల్లే తెలుగు ప్రజలకు ప్రత్యేక రాష్ట్రం లభించిందన్నారు. ఆయన ఆశయాలను సాకారం చేయడానికి అందరూ కృషి చేయాలి అన్నారు. ఆయనను స్మరించుకోవడం ప్రతి తెలుగువారి బాధ్యతని పేర్కొన్నారు. ఈ కార్యక్రమంలో సభ్యులు చిత్రపు హనుమంతరావు, తొండమనాడు సుబ్రహ్మణ్యం రెడ్డి, తులసి రామ్ నాయుడు, పురోహితుడు సురేష్ స్వామి, లోక ప్రభాకర్ నాయుడు, ఉమాపతి, పోలే జనార్ధన్, కుప్పిరెడ్డి రామకృష్ణ పాల్గొన్నారు.

సీఎం గౌడ్ తిరుపతి స్టాప్ రిపోర్టర్