ఆరోగ్య రక్షణ కోసం ఆర్ఓ మంచినీరు... యూనియన్ బ్యాంక్ వారికి కృతజ్ఞతలు

దత్తిరాజేరు, సూర్య : గ్రామీణ ప్రాంత ప్రజల ఆరోగ్య రక్షణ కోసం ఆర్వో వాటర్ ప్లాంట్  ద్వారా శుద్ధి చేయబడిన మంచినీటిని అందించడం జరుగుతుందని రాష్ట్ర సూక్ష్మ, చిన్న, మధ్యతరహ పరిశ్రమలు, గ్రామీణ పేదరిక నిర్మూలన, ప్రవాసాంధ్రుల సాధికారత సంబంధాల శాఖ మంత్రి కొండ‌ప‌ల్లి శ్రీనివాస్ పేర్కొన్నారు. దత్తిరాజేరు మండలం సరయవలస గ్రామంలో యూనియన్ బ్యాంక్ సి ఎస్ ఆర్ నిధులతో నిర్మించిన ఆర్వో వాటర్ ప్లాంట్ ను మంగళవారం మంత్రి కొండపల్లి శ్రీనివాస్ ప్రారంభించారు ఈ సందర్భంగా మంత్రి  మాట్లాడుతూ ఎన్నికల సమయంలో ప్రచారానికి వచ్చినప్పుడు గ్రామంలో కలుషిత నీరు తాగడంతో క్యాన్సర్ సంబంధిత వ్యాధులు వస్తున్నాయని త్రాగునీరు అందించాలని ప్రజలు వాపోయారన్నారు. .ప్రజలఆరోగ్యరీత్యా గ్రామంలో మంచినీరు అందించాలనే సంకల్పంతో ఆర్వో వాటర్ ప్లాంట్ ఏర్పాటు చేయటం జరిగిందన్నారు. ఈ సందర్భంగా నియోజకవర్గంలో నాలుగు వాటర్ ప్లాంట్లు అందించిన యూనియన్ బ్యాంక్ వారికి ధన్యవాదాలు తెలిపారు. గ్రామం తో పాటు పరిసర ప్రాంతాలకు శుద్ధి చేయబడిన మంచినీటిని అందించడానికి ఎలక్ట్రికల్ వెహికల్స్ సైతం అందుబాటులో ఉంటుందన్నారు. ఆరోగ్యం మెరుగుపరచుకోవటం కోసం శుద్ధి చేయబడిన నీటిని త్రాగాలన్నారు. గ్రామాలను అభివృద్ధి పరచడానికి కూటమి ప్రభుత్వం కృషి చేస్తుందని స్థానిక ఎన్నికల్లో కూటమి పార్టీ బలపరిచిన అభ్యర్థులకు భారీ మెజార్టీ తీసుకురావాలని ప్రజలను కోరారు. ఈ కార్యక్రమంలో పార్టీ మండల అధ్యక్షుడు చప్పా చంద్రశేఖర్,నాయకులు మిత్తిరెడ్డిరామ, బోడసింగి సత్తిబాబు, మిత్తిరెడ్డి ఈశ్వరరావు, పెద్దింటిమోహన్, బ్యాంకు బ్రాంచ్ మేనేజర్ సునీత్ తదితరులు పాల్గొన్నారు.

రిపోర్టర్ : అప్పలనాయుడు, దత్తిరాజేరు,  విజయనగరం జిల్లా.