ఆజాద్‌కు రెండు పార్టీల మద్దతు --సర్పంచి పోరులో మారనున్న రాజకీయ సమీకరణాలు!
టి. నరసాపురం, మేజర్ న్యూస్: గ్రామ సర్పంచి పదవి జనరల్ కావడంతో స్వతంత్ర అభ్యర్థిగా దేవరపల్లి ఆజాద్ ఎన్నికల బరిలో నిలిచిన విషయం తెలిసిందే. ఇప్పటికే వైఎస్సార్ కాంగ్రెస్ పార్టీ ఆయనకు మద్దతు ప్రకటించగా,తాజాగా గురువారం జనసేన పార్టీ కూడా తన మద్దతును ప్రకటించింది.ఈ సందర్భంగా గ్రామ జనసేన పార్టీ అధ్యక్షుడు పాలేటి సత్యనారాయణ దేవరపల్లి ఆజాద్‌ను శాలువాతో సత్కరించి మద్దతు తెలిపారు. పార్టీలు, రాజకీయాలకు అతీతంగా పనిచేస్తూ గ్రామ ప్రజలతో మమేకమైన వ్యక్తిగా ఆజాద్‌ను ఆయన అభివర్ణించారు. విద్యావంతుడిగా, రాజకీయ అనుభవం కలిగిన వ్యక్తిగా గ్రామ అభివృద్ధికి కృషి చేయగలరనే ఉద్దేశంతో జనసేన పార్టీ తరఫున మద్దతు ప్రకటిస్తున్నట్లు పాలేటి సత్యనారాయణ తెలిపారు.కన్నం.సర్వేశ్వర రావు,భూక్య వేణుగోపాల్, పలగాని పోతురాజు, వేముల రామకృష్ణ,పాలేటినాగరాజు, కుంజా. కిరణ్, జరబల యుగంధర్ ,జరబల చందా నాయక్ తదితరులు పాల్గొన్నారుదీంతో టి. నరసాపురం సర్పంచి ఎన్నికల్లో స్వతంత్ర అభ్యర్థి దేవరపల్లి ఆజాద్‌కు రెండు పార్టీల మద్దతు ప్రకటించడం స్థానికంగా చర్చనీయాంశంగా మారింది.
పసుమర్తి రాము న్యూస్ జిల్లా ఇంచార్జ్ ఏలూరు,
