ఆదరించండి అండగా ఉంటాను...
-
నరసన్నపేట నవంబర్ 17 మేజర్ న్యూస్ : నరసన్నపేట మేజర్ పంచాయతీ వైఎస్ఆర్సిపి మద్దతుతో పోటీ చేస్తున్న పొట్నూరు వాణి సాయిప్రసాద్ పురుషోత్తంనగర్ కాలనీలో మంగళవారం ఎన్నికల ప్రచారం నిర్వహించారు. పొట్నూరు వాణి సాయిప్రసాద్, 14వ వార్డు అభ్యర్థి చీపురు నారాయణ కాలనీలో ఇంటింటికీ వెళ్లి ఓటర్లను కలుసుకున్నారు.
ఈ సందర్భంగా కాలనీవాసులతో మాట్లాడి వారి సమస్యలను అడిగి తెలుసుకున్నారు. ప్రజలకు అందుబాటులో ఉంటూ వారి సమస్యల పరిష్కారానికి కృషి చేసే నాయకత్వాన్ని ఆదరించాలని, ఎన్నికల్లో వైఎస్సార్సీపీ అభ్యర్థులకు మద్దతు తెలిపి గెలిపించాలని కోరారు. ప్రజల సమస్యలను తెలుసుకుంటూ, ప్రజాసేవే లక్ష్యంగా ముందుకు సాగుతామని అభ్యర్థులు పేర్కొన్నారు.
ఈ ప్రచార కార్యక్రమంలో మాజీ ప్రెసిడెంట్ బురల్లి శంకర్, మాజీ ఎంపీటీసీ నాగవంశం శ్రీనివాస్, మాజీ వార్డు సభ్యుడు అందవరపు పాపారావు, ఎంపీటీసీ ముద్దాడ గోవింద్, వైఎస్సార్సీపీ రాష్ట్ర బీసీ సెల్ కార్యదర్శి పతివాడ గిరీశ్వర్ రావు తదితరులు పాల్గొన్నారు.