37వ డివిజన్‌లో వైసీపీ అభ్యర్థి బలరాం ఇంటింటి ప్రచార హోరు.. భారీగా తరలివచ్చిన కార్యకర్తలు, అభిమానులు.. ఎన్నికల ప్రచారంలో జోష్

(అనంతపురము, కార్పొరేషన్ మేజర్ న్యూస్:

అనంతపురం నగరపాలక సంస్థ ఎన్నికల నేపథ్యంలో 37వ డివిజన్‌లో వైఎస్సార్ కాంగ్రెస్ పార్టీ కార్పొరేటర్ అభ్యర్థి బలరాం ఇంటింటి ప్రచారాన్ని ఉత్సాహంగా నిర్వహించారు. డివిజన్‌లోని వివిధ ప్రాంతాల్లో పర్యటిస్తూ స్థానిక ప్రజలను కలుసుకుని తనకు మద్దతు తెలిపి ఓటు వేయాలని అభ్యర్థించారు.ఈ ప్రచార కార్యక్రమానికి వైసీపీ కార్యకర్తలు, అభిమానులు భారీ సంఖ్యలో తరలివచ్చారు. నినాదాలతో డివిజన్‌లో ఎన్నికల సందడి నెలకొంది. అభ్యర్థి బలరాంతో కలిసి కార్యకర్తలు ఇంటింటికీ వెళ్లి పార్టీ అభ్యర్థికి మద్దతుగా ప్రచారం నిర్వహించారు.ఎన్నికలు సమీపిస్తున్న నేపథ్యంలో 37వ డివిజన్‌లో ప్రచారం మరింత  ఊపందుకోవడంతో రాజకీయ వాతావరణం వేడెక్కింది. కార్యకర్తలు, అభిమానుల ఉత్సాహంతో బలరాం ప్రచారం ముందుకు సాగింది.