21 మంది పాత నేరస్థులకు బైండోవర్

కొత్తవలస, సూర్య : మండలంలో శాంతిభద్రతల పరిరక్షణ, చట్టవ్యతిరేక కార్యకలాపాల నివారణలో భాగంగా కొత్తవలస ప్రొహిబిషన్ అండ్ ఎక్సైజ్ పరిధిలో 21 మంది పాత నేరస్థులకు బైండోవర్ చర్యలు చేపట్టారు. స్థానిక ఎం.ఆర్.ఓ (తహసీల్దార్) రామలక్ష్మి సమక్షంలో వారిని హాజరుపరిచి బైండోవర్ ప్రక్రియ నిర్వహించారు. ఈ సందర్భంగా నాటుసారా తయారీ, అక్రమ మద్యం తయారీ, విక్రయాలకు దూరంగా ఉంటామని, భవిష్యత్తులో ఎలాంటి నేరాలకు పాల్పడబోమని వారి నుంచి పూచీకత్తు బాండ్లు స్వీకరించినట్లు అధికారులు తెలిపారు. ఈ కార్యక్రమంలో ఎస్‌ఐ వీఎన్ రాజుతో పాటు ఎక్సైజ్ సిబ్బంది పాల్గొన్నారు. ఈ వివరాలను సీఐ పి. శాంతిలక్ష్మి వెల్లడించారు.

రిపోర్టర్ : నాగరాజు, కొత్తవలస, విజయనగరం.