శేషగిరి నగర్ లో రూ,15 లక్షల అభివృద్ధి పనులను ప్రారంభించిన ఎమ్మెల్యే

శేషగిరి నగర్‌లో రూ.15 లక్షలతో అభివృద్ధి పనులను ప్రారంభించిన ఎమ్మెల్యే

మణుగూరు ఆర్ సి సూర్య(మేజర్ న్యూస్); మణుగూరు మున్సిపాలిటీ పరిధిలోని శేషగిరి నగర్‌లో, హనుమాన్ టెంపుల్ వద్ద నూతనంగా నిర్మించిన అభివృద్ధి పనులను పినపాక ఎమ్మెల్యే,ఎస్టీ సంక్షేమ కమిటీ చైర్మన్ పాయం వెంకటేశ్వర్లు ప్రారంభించారు. స్థానిక ప్రజలకు మెరుగైన మౌలిక సదుపాయాలు కల్పించాలనే లక్ష్యంతో మొత్తం రూ.15 లక్షల వ్యయంతో చేపట్టిన ఈ పనుల్లో రూ.10 లక్షలతో నిర్మించిన మినీ ఫంక్షన్ హాల్‌ను, రూ.5 లక్షలతో నిర్మించిన సీసీ రోడ్డును ఆయన ప్రారంభించారు. శేషగిరి నగర్ ప్రజలు వివాహాలు,శుభకార్యాలు, ఇతర సామాజిక కార్యక్రమాలు నిర్వహించుకునేందుకు మినీ ఫంక్షన్ హాల్ ఎంతో ఉపయోగపడనుందన్నారు. 
అదేవిధంగా రూ.5 లక్షలతో నిర్మించిన సీసీ రోడ్డు ప్రారంభంతో స్థానిక ప్రజలకు రాకపోకలు మరింత సులభతరం కానున్నాయన్నారు. కాలనీల్లో మౌలిక వసతుల అభివృద్ధికి ప్రాధాన్యతనిస్తూ ప్రజలకు అవసరమైన సదుపాయాలు కల్పించేందుకు కృషి చేస్తున్నట్లు ఎమ్మెల్యే తెలిపారు.