సేవా కార్యక్రమాల్లో జై భవానీ యూత్ ముందంజ

హనుమన్  సెంటర్‌లో ఘనంగా 11వ వార్షికోత్సవ వేడుకలు

అన్నదానంతో చాటుకున్న యువత సేవా స్ఫూర్తి.. భక్తులకు అన్నప్రసాదం పంపిణీ 

ఖమ్మం రురల్ సూర్య మేజర్ న్యూస్ : హనుమంగుడి సెంటర్‌లో జై భవానీ యూత్ ఆధ్వర్యంలో 11వ వార్షికోత్సవ వేడుకలను ఘనంగా నిర్వహించారు. వార్షికోత్సవాన్ని పురస్కరించుకొని అన్నదాన కార్యక్రమాన్ని ఏర్పాటు చేసి భక్తులకు, స్థానిక ప్రజలకు అన్నప్రసాదాన్ని పంపిణీ చేశారు. భక్తిశ్రద్ధలతో నిర్వహించిన ఈ కార్యక్రమం సేవా స్ఫూర్తికి ప్రతీకగా నిలిచింది.

యువత కేవలం వేడుకలకే పరిమితం కాకుండా సామాజిక సేవా కార్యక్రమాల్లోనూ ముందుండటం అభినందనీయమని పలువురు పేర్కొన్నారు. అన్నదానం వంటి సేవా కార్యక్రమాలు ప్రజల్లో మానవత్వాన్ని, పరస్పర సహకారాన్ని, ఐక్యతను పెంపొందిస్తాయని అన్నారు. ఆకలితో ఉన్నవారికి అన్నం అందించడం గొప్ప సేవ అని, ఇలాంటి కార్యక్రమాలు సమాజానికి స్ఫూర్తినిస్తాయని పేర్కొన్నారు.

జై భవానీ యూత్ సభ్యులు సమష్టిగా కృషి చేసి వార్షికోత్సవాన్ని విజయవంతంగా నిర్వహించారు. ఈ కార్యక్రమంలో చింతపల్లి యూత్ ప్రెసిడెంట్ వల్లపు జేజికుమార్ యాదవ్‌తో పాటు జై భవానీ యూత్ సభ్యులు, స్థానిక యువకులు, భక్తులు, ప్రజలు పాల్గొన్నారు. అన్నదాన కార్యక్రమంతో హనుమంగుడి సెంటర్‌లో ఆధ్యాత్మిక వాతావరణం నెలకొంది. యువత సేవా దృక్పథంతో మరిన్ని సామాజిక కార్యక్రమాలు చేపట్టాలని పలువురు ఆకాంక్షించారు.ఈ కార్యక్రమం లో వెల్పుల లక్ష్మి గ్రామపంచాయతీ వి ఓ అధ్యక్షురాలు, కోడె వీరబాబు, కోడె దుర్గమ్మ, కమిటీ పాల్గొన్నారు