టిఫిన్ సెంటర్ యజమాని కుమార్తెకు ఎంబిబిఎస్ సీటు

ప్రశంసలు కురిపిస్తున్న ప్రముఖులు.

పెనుబల్లి సూర్య మేజర్ న్యూస్...
( కిరణ్ కుమార్ ఆరిక)

చిన్నపాటి టిఫిన్ సెంటర్ నడుపుకుంటున్న వారి కూతురు వైద్య విద్యలో సీట్ సాధించి శభాష్ అనిపించకుంది చదువుల సరస్వతి బజ్జురి అనూష. వారిది సాధారణ పేద కుటుంబం. విఎం బంజర్ గ్రామంలో తిరువూరు రోడ్డులో చిన్న టిఫిన్ దుకాణం నడుపుకుంటూ జీవనం సాగిస్తున్నారు బజ్జురి రాధాకృష్ణ, వరలక్ష్మి దంపతులు. వారి కుమార్తె బజ్జురి అనూష ఎంబిబిఎస్ లో సీటు సాధించింది. పెనుపల్లి మండలం విఎం బంజర్ గ్రామానికి చెందిన బజ్జురి రాధాకృష్ణ వరలక్ష్మి ఒక కుమారుడు, ఒక కుమార్తె అనూష ఉన్నారు. కుమార్తె అనూష నీట్ లో 430 ర్యాంకు సాధించింది. రెండవ కౌన్సిలింగ్లో సిఎంఆర్ కాలేజీలో ఎంబిబిఎస్ సీట్ పొంది తల్లితండ్రుల కలను తన లక్ష్యాన్ని సాధించింది. కుమారుడు కూడా చదువులో రాణిస్తూ బీటెక్ చదువుతున్నాడు. చదువులో శ్రద్ధ, ఉన్నత స్థానాలు, లక్ష్యాలను సాధించాలన్న పట్టుదల గ్రహించిన బజ్జురి దంపతులు చిన్నపాటి టిఫిన్ హోటల్ నడుపుకుంటూ కుటుంబాన్ని పోషిస్తూ మరో పక్క చదువులో పిల్లలను ప్రోత్సహించారు. అనూష బీసీ వెల్ఫేర్ సత్తుపల్లిలో 9.2 గ్రేడ్ తో  10వ తరగతి విద్యని, సోషల్ వెల్ఫేర్ బిఆర్ అంబేద్కర్ కాలేజీ ఖమ్మం లో ఇంటర్మీడియట్  961 మార్కులతో సాధించింది. 2026 నిట్ లో 430 ర్యాంక్ పొందింది. తల్లిదండ్రులను నమ్మకాన్ని నిజం చేస్తూ కుమార్తె  వైద్య విద్యలో సీటు సాధించింది. ఎంబిబిఎస్ సీట్ సాధించడం పట్ల కుటుంబ సభ్యులతో పాటు, మిత్రులు, పెనుబల్లి మండల ప్రముఖులు ప్రశంసిస్తూ శుభాకాంక్షలు తెలియజేశారు. ఇదేవిధంగా వైద్య విద్యలో రాణించి ఉన్నత శిఖరాలు అధిరోహించాలని ఆశీర్వదించారు.