సరాక యజమాని నిర్లక్ష్యమే ప్రమాదానికి కారణం

 జిన్నారం:జిన్నారం మండలంలోని గడ్డపోతారం మున్సిపల్ లో గల సరాక లేబరేటిస్ పరిశ్రమలో రాత్రి ప్రమాదం జరిగి ఇద్దరు కార్మికులు మృతి చెందారు, అలాగే 6 మంది కార్మికుల వరకు గాయపడినారు.ఈ ఘటన తెలిసిన వెంటనే పరిశ్రమను సందర్శించి నిరసన వ్యక్తం చేసి ఈ సందర్భంగా సిఐటియు రాష్ట్ర కమిటీ సభ్యులు కే.రాజయ్య  మాట్లాడుతూ పరిశ్రమ యజమాని నిర్లక్ష్యం వల్లనే ప్రమాదం జరిగిందని, వెంటనే యజమాన్యాన్ని అరెస్ట్ చేయాలని ఆయన డిమాండ్ చేశారు. ప్రభుత్వం తగిన చర్యలు తీసుకోకకపోతే కార్మికుల న్యాయం జరగకపోతే పరిశ్రమ వద్ద పెద్ద ఎత్తున ఆందోళన చేస్తామని ఆయన హెచ్చరించారు .అనుభవం లేని కార్మికులతో పని చేయించడం, పనిచేసే చోట సరైన జాగ్రత్తలు తీసుకోకపోవడం, ఇన్స్పెక్టర్ ఆఫ్ ఫ్యాక్టరీస్ నిఘా లేకపోవడం వలన ప్రమాదం జరిగిందని ఆయన అన్నారు.యజమానికి లాభాలు తప్ప కార్మికుల రక్షణ పట్టడం లేదని ఆయన ఆవేదన వ్యక్తం చేశారు. అనేక పరిశ్రమలలో ప్రమాదలు జరుగుతున్న ప్రభుత్వం తగిన చర్యలు తీసుకోకపోవడం ఫలితంగానే ఇటువంటి ప్రమాదాలు జరుగుతున్నాయని ఆయన అన్నారు, యజమానుల పైన కఠిన చర్యలు తీసుకుంటేనే భవిష్యత్తులో ప్రమాదాలు ఆగుతాయని ఆయన అన్నారు. ప్రభుత్వ అధికారులు వెంటనే  జోక్యం చేసుకొని యజమాని తగిన చర్యలు తీసుకోవాలని ఆయన డిమాండ్ చేశారు .
  ఈ కార్యక్రమంలో సిఐటియు జిల్లా కమిటీ సభ్యుడు భాస్కర్ రెడ్డి,  నాయకులు శేఖర్, రామకృష్ణ, శ్రీరాములు, తదితరులు పాల్గొన్నారు..