telangana
సర్ సిల్క్ నివాసితులు ఆందోళన చెందొద్దు - ఎమ్మెల్యే హరీష్ బాబు భరోసా
సూర్య,కాగజ్నగర్: కొమరం భీం ఆసిఫాబాద్ జిల్లా కాగజ్నగర్ పట్టణ సర్ సిల్క్ కంపెనీ పరిసర ప్రాంతాల్లో నివాసం ఉంటున్న సుమారు 3 వేల మందికి రెవెన్యూ అధికారులు ఖాళీ చేయాలంటూ నోటీసులు జారీ చేసిన నేపథ్యంలో, నివాసితులు ఎవరూ ఆందోళన చెందవద్దని సిర్పూర్ ఎమ్మెల్యే డా. పాల్వాయి హరీష్ బాబు శుక్రవారం భరోసా ఇచ్చారు.ఈ సమస్యపై అటు హైకోర్టు లిక్విడేటర్‌తో, ఇటు ప్రభుత్వ అధికారులతో చర్చించి సమస్య పరిష్కారానికి కృషి చేస్తానని తెలిపారు. నివాసితులు ఎలాంటి పుకార్లను నమ్మకుండా సంయమనం పాటించాలని సూచించారు. ప్రజలకు ఇబ్బంది కలగకుండా సమస్యను పరిష్కరించే బాధ్యత తనదేనని ఎమ్మెల్యే స్పష్టం చేశారు.
