ప్రముఖ బేకరిలో లో ఫుడ్ సేఫ్టీ టాస్క్ ఫోర్స్ అధికారుల తనిఖీలు
సూర్య జగిత్యాల ప్రతినిధి: జగిత్యాల జిల్లా కేంద్రంలోని యావర్ రోడ్డులో గల ఓ ప్రముఖ బేకరీలో టి జి సేఫ్ ఫుడ్ సేఫ్టీ టాస్క్ ఫోర్స్ అధికారులు సోమవారం ఆకస్మిక తనిఖీలు నిర్వహించారు. బేకరీలో ఎలాంటి లేబుళ్ళు లేకుండా విక్రయిస్తున్న వాటిని, కలర్ కంటెంట్ ఎక్కువ మోతాదులో కలిపి తయారు చేసిన బేకరీ ఐటమ్ ను సీజ్ చేసినట్టు తెలిసింది. అసిస్టెంట్ ఫుడ్ కంట్రోలర్ కలీం ఆధ్వర్యంలో జరిగిన ఈ తనిఖీలో నిబంధనలు అతిక్రమస్తూ లేబుళ్ళు లేకుండా తయారు చేసిన వాటిని, తయారు చేసిన తేదీ, ఎక్స్పైరీ తేదీ, బ్యాచ్ నంబర్ లేకుండా విక్రయిస్తున్న పలు రకాల బేకరీ ఐటమ్ ను సీజ్ చేసినట్టు తెలిసింది. ఈ విషయమై అసిస్టెంట్ ఫుడ్ కంట్రోలర్ కలీంను వివరణ కోరగా తనిఖీలను గొప్యంగా ఉంచుతున్నామని, పై అధికారుల అనుమతితో వివరాలు వెల్లడిస్తామన్నారు. అయితే తనిఖిల్లో పెద్ద ఎత్తున బేకరీ ఐటమ్ నిబంధనలకు విరుద్ధంగా తయారు చేస్తున్నట్టు గుర్తించి వాటిని సీజ్ చేసినప్పటికీ వాటి వివరాలు తెలపక పోవడం వెనక మర్మమేమిటో అన్న గుసగుసలు స్థానికంగా వినిపిస్తున్నాయి.
