ప్రమాదం జరిగాక స్పందిస్తారా? ముందే చెట్టును తొలగించండి! నారవారిగూడెంలో ప్రమాదకర వృక్షాన్ని తొలగించాలని స్థానికుల విజ్ఞప్తి

సూర్య అశ్వరావుపేట,అశ్వరావుపేట మండలం నారవారిగూడెం కాలనీ సమీపంలో రహదారి పక్కన ఉన్న భారీ వృక్షం ఎండిపోయి, మొదలుకు చెదలు పట్టడంతో ఎప్పుడు కూలుతుందో తెలియని ప్రమాదకర పరిస్థితి నెలకొంది. ఈ మార్గంలో నిత్యం వాహనదారులు, స్థానికులు రాకపోకలు సాగిస్తుండటంతో ప్రమాదం పొంచి ఉంది.

చెట్టు కూలి ప్రాణనష్టం జరిగిన తర్వాత స్పందించడం కంటే ముందుగానే చర్యలు తీసుకోవాలని స్థానికులు అధికారులను కోరుతున్నారు. సంబంధిత అధికారులు వెంటనే క్షేత్రస్థాయిలో పరిశీలించి, ప్రమాదకరంగా మారిన చెట్టును తొలగించాలని విజ్ఞప్తి చేస్తున్నారు. ప్రజల భద్రతను దృష్టిలో ఉంచుకుని ఎలాంటి ప్రమాదం జరగకముందే చర్యలు చేపట్టాలని స్థానికులు డిమాండ్ చేస్తున్నారు.

సూర్య రిపోర్టర్ మునీర్ అశ్వరావుపేట