ప్రభుత్వ పాఠశాలలో ఉపాధ్యాయుడి దాష్టీకం.

నాగర్ కర్నూల్ క్రైమ్, సూర్య న్యూస్: ప్రభుత్వ పాఠశాలలో ఉపాధ్యాయుడు విద్యార్థులను గదిలో బంధించి చితకబాదిన సంఘటన రెండు రోజుల క్రితం జరగగా శుక్రవారం ఆలస్యంగా వెలుగులోకి వచ్చింది.. నాగర్ కర్నూల్ మండల పరిధిలోని ఓ గ్రామంలోని ప్రభుత్వ పాఠశాలలో కంప్యూటర్ వైర్ తెగిపోవడంతో ఆగ్రహించిన ఉపాధ్యాయుడు 30 మంది విద్యార్థులను గదిలో బంధించి చితకబాదినట్లు ఆరోపణలు వచ్చాయి. విషయం తెలుసుకున్న విద్యార్థుల తల్లిదండ్రులు ఉపాధ్యాయుడిపై చర్యలు తీసుకోవాలని ఆగ్రహం వ్యక్తం చేశారు. గ్రామానికి సంబంధించిన ప్రజా ప్రతినిధి సంఘటనకు సంబంధించి వివరాలను విద్యార్థులు ఉపాధ్యాయులను అడిగి తెలుసుకున్నారు... విద్యార్థులను చితకబాదిన సంఘటనపై ఉన్నతాధికారులు విచారణ జరిపి ఉపాధ్యాయుడిపై చర్యలు తీసుకోవాలని తల్లిదండ్రులు డిమాండ్ చేస్తున్నారు.
-----