పీహెచ్‌సీలో ఆకస్మిక తనిఖీ

--వైద్య సేవలపై ఆరా..రికార్డుల పరిశీలన* 

నవాబుపేట సూర్య న్యూస్: నవాబుపేట ప్రాథమిక ఆరోగ్య కేంద్రాన్ని పీఓఎంహెచ్‌ఎన్ డాక్టర్ శంకర్ బిలకంటి శనివారం ఆకస్మికంగా తనిఖీ చేశారు.ఈ సందర్భంగా ఆసుపత్రిలో రోగులకు అందుతున్న వైద్య సేవల గురించి స్థానిక వైద్యాధికారి డాక్టర్ శ్రావణ్ కుమార్‌ను అడిగి తెలుసుకున్నారు.ఆసుపత్రిలోని వివిధ రిజిస్టర్లను పరిశీలించారు.అనంతరం ఆసుపత్రిలో జరుగుతున్న ప్రసవాల వివరాలను తెలుసుకొని,వార్డులో చికిత్స పొందుతున్న తల్లీబిడ్డలను పరామర్శించారు.ప్రసవ గదిని సందర్శించి,ఆటోక్లేవ్‌ పరికరం వినియోగం,నిర్వహణపై స్టాఫ్‌ నర్సుకు తగిన సూచనలు చేశారు.ఈ తనిఖీలో సీహెచ్‌ఓ రమేష్ కుమార్,సూపర్‌వైజర్ చక్రం,వైద్య సిబ్బంది బాలమ్మ,విజయమ్మ,శరభలింగం,భవానీ సింగ్,శ్రీనివాసులు,శారద,పుష్ప,సంతోష తదితరులు పాల్గొన్నారు.