పేదల సంక్షేమమే ప్రజా ప్రభుత్వ లక్ష్యం వరిగుంతంలో 44 మందికి చేయూత పెన్షన్లు మంజూరు
కొల్చారం .మెదక్ జిల్లా కొల్చారం మండలం వరిగుంతం గ్రామానికి చెందిన 44 మంది అర్హులైన లబ్ధిదారులకు ప్రభుత్వం నూతనంగా చేయూత పెన్షన్లు మంజూరు చేసింది. ఈ సందర్భంగా మంజూరు ప్రొసీడింగ్స్ కాపీలను లబ్ధిదారులకు అందజేశారు.ఈ కార్యక్రమంలో మండల కాంగ్రెస్ ఉపాధ్యక్షుడు ముత్యం గోవర్ధన్, గ్రామ కాంగ్రెస్ అధ్యక్షుడు జోగిపేట ఉపేందర్ మాట్లాడుతూ ఎన్నికల హామీ మేరకు అర్హులైన పేదలకు పెన్షన్లు మంజూరు చేసినట్లు తెలిపారు. ముఖ్యమంత్రి రేవంత్ రెడ్డికి, నర్సాపూర్ కాంగ్రెస్ ఇన్చార్జి ఆవుల రాజిరెడ్డి, జిల్లా కాంగ్రెస్ అధ్యక్షుడు ఆంజనేయులు గౌడ్, మండల కాంగ్రెస్ అధ్యక్షుడు నాగుల మల్లేశం గౌడ్లకు కృతజ్ఞతలు తెలిపారు.
అర్హులైన ప్రతి ఒక్కరికీ ప్రభుత్వ సంక్షేమ పథకాలు అందేలా కృషి చేస్తామని పేర్కొన్నారు. పెన్షన్లు పొందిన లబ్ధిదారులు ప్రభుత్వానికి కృతజ్ఞతలు తెలిపారు.
ఈ కార్యక్రమంలో కాంగ్రెస్ నాయకులు అచ్చన్నపల్లి శ్రీరామ్, గ్రామ సర్పంచ్ మోహన్, గ్రామ కార్యదర్శి శ్రీదేవి, లబ్ధిదారులు పాల్గొన్నారు.