మన్నెగూడ ప్రముఖ్ టౌన్ షిప్ లో ఘనంగా సద్దుల బతుకమ్మ వేడుకలు

మన్నెగూడ ప్రముఖ్ టౌన్‌షిప్‌లో ఘనంగా సద్దుల బతుకమ్మ సంబరాలు.

 తుర్కయంజాల్ :    ఆదిభట్ల సర్కిల్‌ పరిధిలోని తుర్కయంజాల్‌ డివిజన్‌ ప్రముఖ్‌ టౌన్‌షిప్‌లో సద్దుల బతుకమ్మ సంబరాలను ఘనంగా నిర్వహించారు. ఈ సందర్భంగా కాలనీలో ప్రతిష్ఠించిన దుర్గామాత విగ్రహానికి ప్రముఖ్‌ వెల్ఫేర్‌ అసోసియేషన్‌ సభ్యులు ప్రత్యేక పూజలు చేశారు. అనంతరం మహిళలు రంగురంగుల పూలతో బతుకమ్మలను పేర్చి, సంప్రదాయ పాటలు, నృత్యాలతో సందడి చేశారు. భక్తి, సంప్రదాయం, సాంస్కృతిక వైభవం నడుమ వేడుకలు ఉత్సాహంగా సాగాయి.
ఈ కార్యక్రమంలో అసోసియేషన్‌ అధ్యక్షుడు అశోక్‌రెడ్డి, ప్రధాన కార్యదర్శి రమణారెడ్డి, కోశాధికారి నవీన్‌కుమార్‌, గౌరవ అధ్యక్షుడు చెన్నారెడ్డి, ఉపాధ్యక్షులు మల్లారెడ్డి, కంబాలపల్లి ఉదయశ్రీ, సంయుక్త కార్యదర్శి రాజశేఖర్‌రెడ్డి, సాంస్కృతిక కార్యదర్శి రామ్‌రెడ్డి, ముఖ్య సలహాదారులు సురేందర్‌రెడ్డి, రఘు రామయ్య తదితరులు పాల్గొన్నారు.

-ఎడ్ల వెంకటేష్ గౌడ్, మేజర్ న్యూస్.