కరణ్‌కోట్ నూతన ఎస్‌ఐగా అన్వేష్ రెడ్డి బాధ్యతల స్వీకరణ

తాండూరు, మేజర్ న్యూస్: వికారాబాద్ జిల్లా కరణ్‌కోట్ పోలీస్ స్టేషన్ నూతన ఎస్‌ఐగా అన్వేష్ రెడ్డి బాధ్యతలు స్వీకరించారు. ఈ సందర్భంగా ఆయన మాట్లాడుతూ పోలీస్ స్టేషన్ పరిధిలో శాంతిభద్రతల పరిరక్షణకు, నేరాల నియంత్రణకు ప్రాధాన్యతనిస్తూ విధులు నిర్వహిస్తానని తెలిపారు. ప్రజలకు ఎల్లప్పుడూ అందుబాటులో ఉంటూ వారి సమస్యలను పరిష్కరించేందుకు కృషి చేస్తానని స్పష్టం చేశారు. ప్రజలు తమ సమస్యలను నిర్భయంగా పోలీసుల దృష్టికి తీసుకురావాలని, శాంతిభద్రతల పరిరక్షణలో పోలీసులకు సహకరించాలని కోరారు. ప్రజలకు మెరుగైన పోలీస్ సేవలు అందించడమే లక్ష్యంగా పనిచేస్తానని నూతన ఎస్‌ఐ అన్వేష్ రెడ్డి పేర్కొన్నారు.