జైత్వారంలో ఉచిత వైద్య ఆరోగ్య శిబిరం

జైత్వారంలో ఉచిత వైద్య ఆరోగ్య శిబిరం

55 మందికి పైగా వైద్య పరీక్షలు.. అసంక్రమిత వ్యాధులపై అవగాహన

కందుకూరు : కందుకూరు మండలంలోని జైత్వారం గ్రామంలో గురువారం కందుకూరు ప్రాథమిక ఆరోగ్య కేంద్రం ఆధ్వర్యంలో అసంక్రమిత వ్యాధుల (ఎన్‌సీడీ) నిర్ధారణ, అవగాహన ఆరోగ్య శిబిరాన్ని నిర్వహించారు. గ్రామ సర్పంచ్ బైరు కొండల్ రెడ్డి శిబిరాన్ని ప్రారంభించారు. ఈ సందర్భంగా 55 మందికి పైగా వైద్య పరీక్షలు నిర్వహించారు.
శిబిరంలో బీపీ, షుగర్‌తో పాటు రొమ్ము క్యాన్సర్, నోటి క్యాన్సర్, గర్భాశయ ముఖద్వార క్యాన్సర్‌లపై ప్రజలకు అవగాహన కల్పించారు. వ్యాధులను ముందస్తుగా గుర్తించేందుకు క్రమం తప్పకుండా వైద్య పరీక్షలు చేయించుకోవాలని సూచించారు.
మెడికల్ ఆఫీసర్ హుమేరా సుల్తానా, ప్రాథమిక ఆరోగ్య కేంద్రం సిబ్బంది వైద్య సేవలు అందించారు. ఈ కార్యక్రమంలో ఉపసర్పంచ్ డి. నవీన్ కుమార్, వార్డు సభ్యులు ఓ. సత్యనారాయణ, కె. రాజశేఖర్, ఎస్. మమత మహేందర్, కె. మధు, ఎల్. నవీన్, రేవంత్, ఎస్. అంజయ్య, గ్రామ పెద్దలు, ప్రజలు పాల్గొన్నారు.

టి. శ్రీనివాస్, మేజర్ న్యూస్