జోరుగా కూటమి అభ్యర్థుల ప్రచారం -- గడ్డమణుగు రవి కుమార్ ఆధ్వర్యంలో

జీలుగుమిల్లి, మేజర్ న్యూస్:జీలుగుమిల్లి లో కూటమి పార్టీల నాయకులు గడ్డమణుగు రవికుమార్, పసుపులేటి రాము, సుంకువల్లి సాయి ఆధ్వర్యంలో   ఎంపీటీసీ, జడ్పీటీసీ అభ్యర్థులతో గడప గడపకు వెళ్లి ఎన్నికల ప్రచారం చేస్తూ తమ అభ్యర్థులను అత్యధిక మెజారిటీతో గెలిపించాలని ప్రజలను విజ్ఞప్తి చేశారు. గురువారం స్థానిక గ్రేస్ మందిర్ చర్చి వద్ద బ్రదర్ ఎజ్రా శాస్త్రి ని కలిసిన కూటమి పార్టీ నాయకులు కూటమి అభ్యర్థులకు సహకరించి ఓటు వేసి గెలిపించాలని కోరారు.  జీలుగుమిల్లి ఎంపీటీసీ అభ్యర్థిని కారం సుజాత, జడ్పీటీసీ అభ్యర్థి కుంజా నాగమణి ఇంటింటా పర్యటిస్తూ ఓటర్లను తమకు ఓటు వేయాలని కోరారు.ఈ సందర్భంగా కూటమి నాయకులు మాట్లాడుతూ ప్రజల అవసరాలను గుర్తించి, అభివృద్ధి కార్యక్రమాలకు ప్రాధాన్యం ఇవ్వడమే తమ లక్ష్యమని పేర్కొన్నారు. ప్రజలతో నిరంతరం సంబంధాలు కొనసాగిస్తూ, వారి సమస్యలను సంబంధిత అధికారుల దృష్టికి తీసుకెళ్లి పరిష్కారానికి కృషి చేస్తామని తెలిపారు. ఎన్నికల్లో ప్రజల మద్దతు కోరుతూ ప్రతి ఓటరును వ్యక్తిగతంగా కలుసుకోవడం పై దృష్టి సారించినట్లు చెప్పారు. ఈ ప్రచారంలో నాయకులు పసుపులేటి ప్రసాద్,  కోల మధు, చిర్రి శ్రీను, ఉలవల శివ, డేవిడ్ రాజు,  యువ మోర్చా జిల్లా సోషల్ మీడియా కన్వీనర్ కక్కిరాల మురళి, యువ మోర్చా దారా మధు తదితరులు పాల్గొన్నారు.

 రిపోర్టర్ బొంతు రామకృష్ణ జీలుగుమిల్లి ఏలూరు జిల్లా