ఇండ్లు త్వరితగతిన పూర్తి చేయాలి..జిల్లా కలెక్టర్ గరిమ అగ్రవాల్ ఆదేశం

సూర్య..రాజన్న సిరిసిల్ల జిల్లాల్లో రాష్ట్ర ప్రభుత్వం ప్రతిష్టాత్మకంగా అమలు చేస్తున్న ఇందిరమ్మ ఇండ్ల నిర్మాణాలను త్వరితగతిన పూర్తి చేయించాలని జిల్లా కలెక్టర్ గరిమ అగ్రవాల్ ఆదేశించారు.జిల్లా సమీకృత కార్యాలయాల సముదాయం నుంచి గురువారం మండల ప్రత్యేక అధికారులు, ఎంపీడీఓలు, హౌసింగ్ ఏఈలతో వీడియో కాన్ఫరెన్స్ ద్వారా సమీక్ష నిర్వహించారు.జిల్లాలో ఇప్పటివరకు 6,465 ఇండ్లకు ముగ్గు పోశామని, 5,479 ఇండ్లు బేస్‌మెంట్ లెవెల్‌లో, 4,858 గోడల లెవెల్‌లో, 4,585 స్లాబ్ లెవెల్‌లో, 3,934 ఇండ్లు పూర్తయ్యాయని కలెక్టర్ వెల్లడించారు.ముగ్గు పోసిన వారితో పనులు మొదలుపెట్టించాలని, ఆర్థిక సహాయాన్ని సద్వినియోగం చేసుకునేలా అవగాహన కల్పించాలని ఆదేశించారు. గుడిసెల్లో ఉంటున్న వారికి ఇండ్లు మంజూరు అయ్యాయని, త్వరగా నిర్మాణాలు మొదలుపెట్టాలని సూచించారు.ప్రతి ఎంపీడీఓ ఇండ్ల పురోగతిని పరిశీలించాలని, హౌసింగ్ ఏఈలు ఫోటోలను ఆన్‌లైన్‌లో అప్‌లోడ్ చేయాలని సూచించారు. లబ్ధిదారుల బ్యాంక్ ఖాతాల్లో డబ్బులు జమ అవుతున్నాయని తెలిపారు.ఉత్తమ ప్రతిభ చూపిన బోయినపల్లి, ఇల్లంతకుంట మండలాల అధికారులను కలెక్టర్ అభినందించారు.సమావేశంలో ఇంచార్జి హౌసింగ్ పీడీ ఖాజా ముజాఫరుద్దీన్, జిల్లా పంచాయతీ అధికారి వీరభద్రయ్య తదితరులు పాల్గొన్నారు.