ఇందిరమ్మ ఇళ్ల లబ్ధిదారుల నూతన గృహాల్లో దీపావళి వేడుకలు... పాల్గొన్న ప్రభుత్వ విప్ విజయరమణారావు

సూర్య ఎలిగేడు ;; మండల కేంద్రంలోని ఇందిరమ్మ ఇళ్ల లబ్ధిదారుల నూతన గృహాల్లో ప్రభుత్వ విప్, పెద్దపల్లి ఎమ్మెల్యే చింతకుంట విజయరమణారావు కుటుంబ సభ్యులతో కలిసి ఘనంగా దీపావళి వేడుకలు నిర్వహించారు.ఎన్నో సంవత్సరాలుగా సొంతింటి కలను నెరవేర్చుకోవాలని ఎదురుచూస్తున్న పేద కుటుంబాలకు ప్రజాపాలన ప్రభుత్వంలో ముఖ్యమంత్రి రేవంత్ రెడ్డి నాయకత్వంలో ఇందిరమ్మ ఇళ్లు మంజూరు కావడంతో వారి ఆనందంలో పాలుపంచుకున్నారు. ఈ సందర్భంగా లబ్ధిదారుల కుటుంబ సభ్యులకు దీపావళి శుభాకాంక్షలు తెలిపారు. ప్రజాప్రతినిధులు, అధికారులు, కాంగ్రెస్ పార్టీ నాయకులు, కార్యకర్తలతో కలిసి టపాసులు కాల్చి సంబరాల్లో పాల్గొన్నారు.సొంతింటి కల సాకారం కావడంతో లబ్ధిదారుల కుటుంబాల్లో నెలకొన్న ఆనందాన్ని వారితో కలిసి పంచుకుంటూ దీపావళి పండుగ జరుపుకోవడం ఈ కార్యక్రమంలో ప్రత్యేక ఆకర్షణగా నిలిచింది.ఈ కార్యక్రమంలో మండల అధ్యక్షులు, మార్కెట్ కమిటీ చైర్మన్లు, సింగిల్ విండో చైర్మన్లు, వైస్ చైర్మన్, సర్పంచులు, ఉపసర్పంచులు, డైరెక్టర్లు, వార్డు సభ్యులు, ఇతర ప్రజాప్రతినిధులు, కాంగ్రెస్ పార్టీ జిల్లా ఉపాధ్యక్షులు, రాష్ట్ర యువజన నాయకులు, నాయకులు, కార్యకర్తలు, ఇందిరమ్మ ఇళ్ల లబ్ధిదారుల కుటుంబ సభ్యులు తదితరులు పాల్గొన్నారు.