ఏళ్ల నాటి సొంతింటి కళ సాకారం..!

షాబాద్, మేజర్ న్యూస్ (నవంబర్ 09)దీపావళి పండుగను పురస్కరించుకొని చందనవెల్లి గ్రామంలో ఇందిరమ్మ ఇళ్ల లబ్ధిదారుల ఇళ్ల వద్ద ప్రత్యేక సంబరాలు నిర్వహించారు. గ్రామ సర్పంచ్ చేవెళ్ల నవనీత స్వామి ఆధ్వర్యంలో నూతనంగా నిర్మించిన ఇందిరమ్మ ఇళ్లలో లబ్ధిదారులతో కలిసి దీపావళి వేడుకల్లో పాల్గొన్నారు. ఈ సందర్భంగా మంజుల రాజ మల్లయ్య, శోభ, భిక్షపతి, ప్రేమలతయాదయ్య, శాంతమ్మ మల్లేష్ కుటుంబాల ఇళ్ల వద్ద దీపాలు వెలిగించి, టపాసులు కాల్చి పండుగ సంబరాలను ఆనందోత్సాహాల మధ్య జరుపుకున్నారు. ఈ సందర్భంగా లబ్ధిదారులు మాట్లాడుతూ... ఎన్నో ఏళ్ల తమ సొంతింటి కళ  ఇందిరమ్మ ఇళ్ల పథకంతో నెరవేరిందని, సొంతింట్లో కుటుంబ సభ్యులతో కలిసి దీపావళి పండుగ జరుపుకోవడం ఎంతో ఆనందంగా ఉందని హర్షం వ్యక్తం చేశారు. సర్పంచ్ స్వయంగా తమ ఇళ్లకు వచ్చి పండుగ వేడుకల్లో పాల్గొనడం మరింత సంతోషాన్నిచ్చిందని కృతజ్ఞతలు తెలిపారు. ఈ కార్యక్రమంలో పంచాయతీ కార్యదర్శి యాదయ్య, ఉపసర్పంచ్ శ్రీశైలం, వార్డు సభ్యులు శ్రీహరి, మీరంపల్లి వెంకటేష్, గుర్రం రమేష్, గ్రామ అధ్యక్షుడు గాడీల కిష్టయ్య, గ్రామస్థులు తదితరులు పాల్గొన్నారు.