ఏదులాపురం మున్సిపల్ ఎస్టీ సెల్ అధ్యక్షుడిగా బానోత్ కిషన్ నాయక్ ఏకగ్రీవ ఎన్నిక
మంత్రి పొంగులేటి మార్గదర్శకత్వంలో గిరిజనుల అభ్యున్నతికి కృషి చేయాలి
ఖమ్మం రూరల్ సూర్య మేజర్ న్యూస్ : ఏదులాపురం మున్సిపాలిటీ ఎస్టీ సెల్ అధ్యక్షుడిగా రిటైర్డ్ అగ్రికల్చర్ ఆఫీసర్ బానోత్ కిషన్ నాయక్ ఏకగ్రీవంగా ఎన్నికయ్యారు. ఈ సందర్భంగా ఆయనకు పలువురు హృదయపూర్వక శుభాకాంక్షలు తెలిపారు. మంత్రి పొంగులేటి శ్రీనివాసరెడ్డి మార్గదర్శకత్వంలో, మంత్రి క్యాంపు కార్యాలయ ఇన్‌చార్జి తుంబూరు దయాకర్ రెడ్డి ఆశీస్సులతో ఎస్టీ సెల్ అధ్యక్షుడిగా ఎన్నిక కావడం పట్ల హర్షం వ్యక్తం చేశారు.
ప్రజా సేవలో విశేష అనుభవం కలిగిన కిషన్ నాయక్, తనకు అప్పగించిన బాధ్యతలను సమర్థవంతంగా నిర్వహిస్తూ గిరిజనుల సమస్యల పరిష్కారానికి, వారి హక్కుల పరిరక్షణకు కృషి చేయాలని ఆకాంక్షించారు. పార్టీ బలోపేతంతో పాటు గిరిజన ప్రాంతాల అభివృద్ధికి చొరవ చూపుతూ, ప్రజలకు అందుబాటులో ఉంటూ మరిన్ని ఉన్నత పదవులు చేపట్టాలని శుభాకాంక్షలు తెలిపారు.
మంత్రి పొంగులేటి శ్రీనివాసరెడ్డి నాయకత్వంలో, తుంబూరు దయాకర్ రెడ్డి సహకారంతో ప్రజా సేవలో ముందుకు సాగుతూ తనకు అప్పగించిన బాధ్యతలకు న్యాయం చేయాలని ఆకాంక్షించారు.
