ఘనంగా ఆయుధ పూజ

ఎడ్యుకేషన్ స్టాఫ్ రిపోర్టర్ : విజయదశమిని పురస్కరించుకుని ఎర్రచందనం అక్రమ రవాణా నిరోధక టాస్క్ ఫోర్స్ కార్యాలయంలో టాస్క్ ఫోర్స్ ఎస్పీ పీ.శ్రీనివాస్ ఆధ్వర్యంలో మంగళవారం ఘనంగా నిర్వహించారు. ఈ కార్యక్రమానికి ఆయన ముఖ్యఅతిథిగా హాజరై  ఆయుధ పూజలు పాల్గొని టాస్క్ ఫోర్స్ ఎర్రచందనం పరిరక్షణలో ఉపయోగించే ఆయుధాలు, కార్లు, ఇతర సామగ్రికి పూజలు చేపట్టారు. ఆయుధాలు కలిగిన స్టోర్ రూమ్, ఎస్పీ కార్యాలయం, టాస్క్ ఫోర్స్ పోలీస్ స్టేషన్ లలో పూజారి వేద మంత్రోచ్ఛారణల మధ్య పూజ కార్యక్రమాలు నిర్వహించారు. విధి నిర్వహణలో తమకు ఎలాంటి ఆటంకాలు లేకుండా, శక్తిని ప్రసాదించాలని దుర్గామాతను వేడుకున్నారు. ఈ సందర్భంగా ఎస్పీ పీ. శ్రీనివాస్ మాట్లాడుతూ చెడుపై మంచి సాధించిన విజయానికి ప్రతీకగా నిలిచే దసరా పండుగ సందర్భంగా ప్రతి ఒక్కరికీ విజయాలు కలగాలని, వారి జీవితాలలో ఆటంకాలు లేకుండా ముందుకు పోవాలని ఆకాంక్షించారు.డీఎస్పీలు శ్రీనివాసరెడ్డి, ఎండీ షరీఫ్, ఏసీఎఫ్ జె. శ్రీనివాస్, సీఐ ఖాదర్ బాషా, ఆర్ఎస్ఐ విష్ణు వర్ధన్ కుమార్, ఇతర సిబ్బంది పాల్గొన్నారు.

సీఎం గౌడ్ తిరుపతి స్టాప్ రిపోర్టర్