షార్ట్ సర్క్యూట్ తో వస్తువులన్నీ బూడిద

                                                                            కోయిలకొండ సూర్య న్యూస్ :   మండలంలో ఉన్న ఇబ్రహీం గ్రామపంచాయతీ లోని   కిరాణం జనరల్ స్టోర్ షార్ట్ సర్క్యూట్ తో  తగిలి కిరాణం డబ్బా లో ఉన్న వస్తువులన్నీ కాలి బూడిదైన సంఘటన చోటుచేసుకుంది. సర్పంచ్ ఎల్. లక్ష్మీ శ్రీనివాసులు మాట్లాడుతూ, వికలాంగుడు అయినటువంటి పాకనాటి చంద్రయ్య జనరల్ స్టోర్ పెట్టుకుని జీవనం కొన సాగిస్తున్నాడని తెలిపారు. సోమవారం రాత్రి  కిరాణం జనరల్ స్టోర్  షార్ట్ సర్క్యూట్ తో  మంటలు రావడంతో లోపల ఉన్న నిత్యవసర వస్తువులతో పాటు, సెల్ ఫోన్లు  దగదమయ్యాయని తెలిపారు. బాధితుడు అయినటువంటి పాకనాటి చంద్రయ్యకు జనరల్ స్టోర్ లోపల ఉన్న వస్తువులు బూడిద కావడంతో రెండు నుంచి మూడు లక్షల ఆస్తి నష్టం జరిగిందని తెలియజేశారు. బీద కుటుంబానికి చెందిన వికలాంగుడు అయినటువంటి పాకనాటి చంద్రయ్యకు ప్రభుత్వం నుంచి ఆర్థిక సాయం అందించడానికి ప్రజా ప్రతినిధులు, అధికారులు కృషి చేయాలని సర్పంచ్ కోరారు.