శ్రీకాకుళం బీచ్‌లో తీవ్ర విషాదం: స్నానానికి వెళ్ళి నలుగురు గల్లంతు

శ్రీకాకుళం, సూర్య ప్రతినిధి :శ్రీకాకుళం జిల్లాలోని పెద్దగనగళ్లవానిపేట బీచ్‌లో తీవ్ర శోకఛాయలు అలముకున్నాయి. సముద్రతీరంలో స్నానానికి వెళ్లిన నలుగురు వ్యక్తులు ప్రమాదవశాత్తు నీటి అలల తాకిడికి కొట్టుకుపోయి గల్లంతయ్యారు. స్థానికులు, సహాయక బృందాలు వెంటనే రంగంలోకి దిగి గాలింపు చర్యలు చేపట్టగా, ఇద్దరి మృతదేహాలు లభ్యమయ్యాయి. మృతులను విజయనగరం జిల్లాకు చెందిన పావని, మాధవిలుగా అధికారులు గుర్తించారు. నీటిలో గల్లంతైన మరో ఇద్దరి ఆచూకీ కోసం బీచ్ పరిసర ప్రాంతాల్లో తీవ్రంగా గాలింపు చర్యలు కొనసాగుతున్నాయి. ఈ ఘటనతో మృతుల కుటుంబాల్లో తీవ్ర విషాదం నెలకుంది.