దుర్గామాత అన్నప్రసాదాలకు రూ.20 వేల విరాళాలను అందించిన మాజీ ఎంపిటిసి..

రామాయంపేట ; నిజాంపేట మండల పరిధిలోని చల్మెడ గ్రామంలో దుర్గామాత అన్నప్రసాదాల పంపిణీకి తాజా మాజీ ఎంపీటీసీ నంద్యాల బాల్రెడ్డి రూ.20 వేల విరాళాన్ని అందజేశారు. గ్రామంలో ఆరు దుర్గామాతల వద్ద నిర్వహించే అన్నప్రసాదాల కార్యక్రమానికి ఈ విరాళాన్ని అందించినట్లు తెలిపారు.
ఈ సందర్భంగా నంద్యాల బాల్రెడ్డి మాట్లాడుతూ దుర్గాభవాని మాత ఆశీస్సులు చల్మెడ గ్రామ ప్రజలందరిపై ఎల్లవేళలా ఉండాలని అమ్మవారిని ప్రార్థించినట్లు పేర్కొన్నారు.
ఈ కార్యక్రమంలో వార్డు సభ్యులు బైండ్ల భూపాల్, తుడుము స్వామి, బ్యాగరి పరుశురాములు, దుర్గాభవాని మాలధారణ స్వాములు తదితరులు పాల్గొన్నారు.