చెడుపై మంచి సాధించిన విజయానికి ప్రతీక దసరా: డాక్టర్ రవి శేఖర్ రెడ్డి
వెంగళరావునగర్, మేజర్ న్యూస్: చెడుపై మంచి, అధర్మం పై ధర్మం, అసత్యం పై సత్యం సాధించిన విజయాలకు విజయదశమి ప్రతీకగా నిలుస్తుందని ఏఐసీసీ జాతీయ కో ఆర్డినేటర్ డా. పి.వీ.రవి శేఖర్ రెడ్డి. అన్నారు. దసరా పండుగ పర్వదినాన్ని పురస్కరించుకుని రహమత్ నగర్ డివిజన్ పరిధి శ్రీరామ్ నగర్ లోని దుర్గాదేవి పోచమ్మ ఆలయంలో డా. రవి శేఖర్ రెడ్డి ముఖ్య అతిథిగా హాజరై ప్రత్యేక పూజలు చేసారు. ఆలయ వేద పండితులు సతీష్ శర్మ పర్యవేక్షణలో నిర్వహించిన మహాచండీ హోమాలు , పూర్ణాహుతి లో డా. రవి శేఖర్ రెడ్డి తో పాటు భక్తులు పెద్ద సంఖ్యలో పాల్గొన్నారు.
ఆలయ కమిటీ సభ్యులు డా. రవి శేఖర్ రెడ్డి ని ఘనంగా సత్కరించారు. ఈ సందర్భంగా డా. రవి శేఖర్ రెడ్డి మాట్లాడుతూ షమీ పూజ చేసి జమ్మి ఆకును బంగారం గా స్వీకరించే గొప్ప సంస్కృతి మనది అని, మహాభారతంలో పాండవులు అజ్ఞాత వాసానికి వెళ్ళే ముందు తమ ఆయుధాలను జమ్మి చెట్టు పై దాచి పెట్టి అజ్ఞాతం ముగిసిన అనంతరం వాటిని తిరిగి తీసుకుని కౌరవులపై యుద్ధం లో విజయం సాధించిన విషయాన్ని గుర్తు చేశారు. ఈ సందర్భంగా ప్రజలందరికీ దసరా పండుగ శుభాకాంక్షలు తెలియజేశారు. కార్యక్రమంలో కాంగ్రెస్ నాయకులు టి. వినోద్ కుమార్, లింగమూర్తి, నాగరాజు, భరత్ కుమార్ తో పాటు టెంపుల్ కమిటీ సభ్యులు సంజీవ్, నర్సింగ్ రావు, అశోక్, కన్నా తదితరులు పాల్గొన్నారు
