అర్హులకు సంక్షేమ పథకాల ప్రయోజనాలు అందాలి -సర్పంచ్ రామచంద్రరెడ్డి

కొండాపూర్‌;మండల పరిధిలోని మనసాన్పల్లి గ్రామంలో స్మార్ట్ రేషన్ కార్డులను పంపిణీ చేశారు. ఈ సందర్భంగా గ్రామ సర్పంచ్ రామచంద్రరెడ్డి మాట్లాడుతూ అర్హులైన ప్రతి కుటుంబానికి ప్రభుత్వ సంక్షేమ పథకాల ప్రయోజనాలు అందేలా కృషి చేస్తామన్నారు. ప్రజా పంపిణీ వ్యవస్థ ద్వారా పేద కుటుంబాలకు నిత్యావసర సరుకులు అందుతున్నాయని, లబ్ధిదారులు ప్రభుత్వ పథకాలను సద్వినియోగం చేసుకోవాలని సూచించారు.రేషన్ డీలర్ గోపాల్‌రెడ్డి మాట్లాడుతూ లబ్ధిదారులు స్మార్ట్ రేషన్ కార్డులను భద్రంగా ఉంచుకోవాలని, రేషన్ సరుకుల పంపిణీలో నిబంధనలు పాటిస్తూ పారదర్శకంగా సేవలు అందిస్తామని తెలిపారు.ఈ కార్యక్రమంలో జీపీ ఓ రాఘవేందర్, పంచాయతీ కార్యదర్శి స్వాతి, ఉపసర్పంచ్ శివశంకర్, ఆత్మ కమిటీ డైరెక్టర్ మల్లేశం, వార్డు సభ్యులు రామచంద్రయ్య, రామాగౌడ్, నరసమ్మ, బుచ్చయ్య, గ్రామస్తులు బాలయ్య, శేఖర్, కాంగ్రెస్ నాయకులు, కార్యకర్తలు, లబ్ధిదారులు పాల్గొన్నారు.