విజయవంతంగా ముగిసిన స్మార్ట్ రేషన్ కార్డుల పంపిణీ

పటాన్‌చెరు, ;  తెలంగాణ ప్రభుత్వం పేదల సంక్షేమమే ధ్యేయంగా చేపట్టిన స్మార్ట్ రేషన్ కార్డుల పంపిణీ కార్యక్రమం పటాన్‌చెరు నియోజకవర్గంలో విజయవంతంగా ముగిసిందని ముత్తంగి డివిజన్ కాంగ్రెస్ నాయకులు రాధాకృష్ణ హరిపంతులు తెలిపారు. సోమవారం ముత్తంగి డివిజన్‌లో కాంగ్రెస్ నాయకుల ఆధ్వర్యంలో అర్హులైన లబ్ధిదారులకు స్మార్ట్ రేషన్ కార్డులను పంపిణీ చేశారు
ఈ సందర్భంగా వారు మాట్లాడుతూ.. ప్రభుత్వం అమలు చేస్తున్న సంక్షేమ పథకాలు అర్హులైన ప్రతి పేద కుటుంబానికి చేరేలా కాటా శ్రీనివాస్ గౌడ్, పార్లమెంటు ఇన్‌చార్జి నీలం మధు నాయకత్వంలో కృషి చేస్తున్నామని తెలిపారు. స్మార్ట్ రేషన్ కార్డులతో ప్రజా పంపిణీ వ్యవస్థ మరింత పారదర్శకంగా మారడంతో పాటు లబ్ధిదారులకు సరుకుల పంపిణీ సులభతరం అవుతుందని పేర్కొన్నారు. కార్యక్రమానికి సహకరించిన ప్రజలకు కాంగ్రెస్ పార్టీ తరఫున కృతజ్ఞతలు తెలిపారు.ఈ కార్యక్రమంలో ముత్తంగి డివిజన్ కాంగ్రెస్ నాయకులు అశోక్ ముదిరాజ్, వాలిదాస్ గోపాలకృష్ణ, ఎల్లగారి ప్రవీణ్, శ్రీనివాస్ రెడ్డి, మహేందర్, కమ్మరి శ్రీనివాస్ చారి,రంజిత్, మహిళా విభాగం ప్రతినిధులు, కార్యకర్తలు తదితరులు పాల్గొన్నారు.