విద్యుత్ కోతలతో ఎండుతున్న పంటలు..

 అప్పుల ఊబిలో అన్నదాతలు….

రైతులను ఆదుకోవడంలో ప్రభుత్వం ఎందుకు నిర్లక్ష్యం…

రైతుల పంటలను కాపాడండి.. నిరంతర విద్యుత్ సరఫరా అందించండి….

షాద్‌నగర్ నియోజకవర్గం నందిగామ మండలంలోని నర్సాప్పగూడ గ్రామాల్లో రైతులు ఎదుర్కొంటున్న సమస్యల పై బీజేపీ రాష్ట్ర నాయకులు పాలమూరు విష్ణువర్ధన్ రెడ్డి  ఆగ్రహం వ్యక్తం చెేశారు. శనివారం నర్సప్పగూడ గ్రామంలో స్థానిక బిజెపి నాయకులతో కలిసి పంట పొలాలను పరిశీలించి రైతుల సమస్యలను అడిగి తెలుసుకున్నారు.  గత వర్షాకాలంలో మొక్కజొన్న, పత్తి పంటలు దెబ్బతిని తీవ్రంగా నష్టపోయామని, ప్రస్తుతం విద్యుత్ కోతలతో వరి పంటలు కూడా ఎండిపోయే పరిస్థితి నెలకొందని రైతులు తమ ఆవేదనను వ్యక్తం చేశారు. పెట్టుబడులు సైతం తిరిగి వచ్చే పరిస్థితి లేదని వాపోయారు. రైతుల సమస్యలను స్వయంగా తెలుసుకున్న విష్ణువర్ధన్ రెడ్డి , విద్యుత్ అధికారులతో మాట్లాడి సమస్యను తక్షణమే పరిష్కరించాలని డిమాండ్ చేశారు. షాద్‌నగర్ ఎమ్మెల్యే వీర్లపల్లి శంకర్  వెంటనే స్పందించి విద్యుత్ సరఫరాపై సమీక్ష నిర్వహించి, రైతుల పంటలను కాపాడేందుకు నిరంతర విద్యుత్ అందించాలని కోరారు. విద్యుత్ కోతలకు పరిష్కారం చూపాలి అని, రైతుల పంటలను కాపాడాలి అని, రైతుల కన్నీళ్లు తుడిచే వరకు బీజేపీ పోరాటం ఆగదని అన్నారు.ఈ కార్యక్రమంలో మండల బిజెపి అధ్యక్షులు వడ్ల అరవింద్ చారి,  ఉప సర్పంచ్ అప్పల సిద్దయ్య,  బి. లక్ష్మణ్ గౌడ్, నక్కల అశోక్, బి. వెంకటేష్, నీరటి మహేందర్, మంగలి లక్ష్మణ్, అంజయ్య, రాములు, లింగం, బాలరాజ్, శ్రీశైలం, కృష్ణమోహన్ గుప్తా, జంగయ్య, లక్ష్మయ్య, శ్రీశైలం తదితరులు మరియు స్థానిక రైతులు పాల్గొన్నారు.

ప్రభాకర్, మేజర్ న్యూస్ నందిగామ…