ఓటు చోరీకి పాల్పడిన జ్ఞానేశ్ కుమార్ రాజీనామా చేయాలి

గూడూరు, మేజర్‌న్యూస్‌  :   ఓటు చోరీ కి పాల్పడిన భారత ఎన్నికల కమిషనర్ జ్ఞానేశ్ కుమార్  వెంటనే రాజీనామా చేయాలని సిపిఐ నాయకులు  సివిఆర్ కుమార్ డిమాండ్‌ చేశారు. శనివారం విలేకరుల సమావేశంలో మాట్లాడుతూ దేశ రాజధాని డిల్లీ లోని జంతర్ మంతర్ వద్ద  ఓటు చోరీకి పాల్పడిన భారత ఎన్నికల కమిషనర్ రాజీనామా చేయాలని సిజెపి అధ్వర్యంలో వామ పక్ష పార్టీలు, విద్యార్థి సంఘాలు, విద్యార్థులు శాంతియుతంగా నిరసన చేస్తున్న వారిని అరెస్ట్ చేయడం ఎంతవరకు సబబు అన్నారు. తప్పు చేసిన జ్ఞానేశ్ కుమార్‌కు అందలం కల్పించి ప్రశ్నించే గొంతుకులపై అణచివేత ధోరణి ఎందుకని ప్రశ్నించారు. రాత్రికి రాత్రే పోలీసులు సిఇఐ, వామపక్ష నాయకులు, విద్యార్థి సంఘ నాయకులను అదుపులోకి తీసుకొని వాళ్లను నిర్బంధించడం నిరంకుశమన్నారు. ఎన్నికల కమిషనర్ రాజీనామా చేసే వరకు పోరాటం సాగుతుందన్నారు. కేంద్ర ప్రభుత్వం అనుసరిస్తున్న నిరంకుశ ధోరణికి ప్రజలు అందరూ ఏకమై ప్రభుత్వాన్ని గద్దె దించే వరకు పోరాడాలన్నారు . ఈ కార్యక్రమంలో పట్టణ కన్వీనర్ యాదాల సునీల్, ఎఐవైఎఫ్ జిల్లా నాయకులు సివిఎల్ మస్తాన్, మహీర్, ఏడు కొండలు, శివ తదితరులు పాల్గొన్నారు.