ఉపాధి, విద్య రెండూ అవసరమే : DD AE అనిత
మహిళలకు ఉపాధి అవకాశాలు కల్పించడమే కాకుండా అక్షరాస్యతను పెంపొందించే దిశగా సంబంధిత శాఖలు సమన్వయంతో పనిచేయాలని డీడీఏఈ అనిత సూచించారు. సోమవారం ప్రజావాణి కార్యక్రమం అనంతరం ఫరూఖ్నగర్ మండలం హాజీపల్లి గ్రామంలోని డీడబ్ల్యూసీఆర్ఎ భవనంలో ఆర్సైట్, ఫెమినా మహిళా సేవా సమితి ఆధ్వర్యంలో నిర్వహిస్తున్న జ్యూట్ బ్యాగ్ శిక్షణ కేంద్రాన్ని ఆమె సందర్శించారు. మహిళలకు అందిస్తున్న నైపుణ్య శిక్షణ, ఉపాధి అవకాశాలు, వాటి ద్వారా సాధ్యమవుతున్న ఆర్థిక స్వావలంబనపై ఆమె సమీక్ష నిర్వహించారు. ఈ సందర్భంగా యూల్లోస్ కార్యక్రమంపై మహిళలకు అవగాహన కల్పిస్తూ హాజీపల్లి గ్రామాన్ని వంద శాతం శాతం అక్షరాస్య గ్రామంగా తీర్చిదిద్దేందుకు అందరూ భాగస్వాములు కావాలని పిలుపునిచ్చారు. ముఖ్యంగా మహిళలు తమ కుటుంబాల్లోని నిరక్షరాస్యులను గుర్తించి అక్షరాస్యత కార్యక్రమాల్లో చేర్చాలని సూచించారు. ఎంపీడీఓ శ్రీకాంత్ను యూల్లాస్ అమలు విజయవంతం చేసేందుకు అవసరమైన సిబ్బంది సహకారం అందించాలని కోరారు. గ్రామస్థాయిలో నిరంతర పర్యవేక్షణతో పాటు ప్రజల్లో అవగాహన పెంచే చర్యలు చేపట్టాలని ఆదేశించారు. ఇక డీఆర్డీఓ, సెర్స్ ఏపీఎంలకు 3 నుంచి 5 ఉచిత కుట్టు, జర్లోసీ శిక్షణ కేంద్రాల ఏర్పాటుకు దరఖాస్తులు స్వీకరించాలని సూచించారు. గ్రామీణ యువతకు రూరల్ సెల్ఫ్ ఎంప్లాయిమెంట్ ట్రైనింగ్ ఇన్స్టిట్యూట్స్ ద్వారా ఉచిత శిక్షణ, భోజన వసతి కల్పిస్తున్నట్లు తెలిపారు. శిక్షణ అనంతరం ఎస్ హెచ్ జి మహిళలకు శ్రీనిధి బ్యాంక్ ద్వారా రుణ సౌకర్యం కల్పించి వ్యాపారాభివృద్ధికి గ్రామీణ స్వయం ఉపాధి శిక్షణా కేంద్రాల నిర్వహకులే మార్గకత్వం ఇవ్వనన్నట్లు వెల్లడించారు. శిక్షణ కేంద్రాల్లో శిక్షణ పొందుతున్న లబ్ధిదారుల సహకారంతో యూల్లాస్ బోధనా తరగతులను పునఃప్రారంభించి ఉపాధి? అక్షరాస్యత కార్యక్రమాలను సమాంతరంగా ముందుకు తీసుకెళ్లాలని సూచించారు. ఆసక్తి గల వారు ఆధార్, వైబ్ రేషన్ కార్డు ప్రతులతో మండల మహిళా సమాఖ్య ఏపీఎంలను సంప్రదించాలని ఆమె తెలిపారు.
(రంగారెడ్డి -మేజర్ న్యూస్)
