ఉపాధి పనులపై సామాజిక తనిఖీ…
ఉపాధి పనులపై సామాజిక తనిఖీ…
-రూ.1,13,000 జరిమానా విధించిన ఏపీడీ
బెజ్జంకి,మేజర్ న్యూస్:
ఉపాధి పనుల్లో ఎలాంటి లోపాలకు సైతం చోటులేకుండా మరింత పకడ్బందీగా నిర్వహించాలని జిల్లా అసిస్టెంట్ ప్రాజెక్ట్ డైరెక్టర్ (ఏపీడీ)శ్రీనివాస్ గౌడ్ పేర్కొన్నారు.రూ.9.27 కోట్లతో మండలంలో ఉపాధి పనులు జరగగా,రిజిస్టర్ నిర్వహణ,తదితర లోపాలపై ఉపాధి సిబ్బందికి రూ.1,13,000 జరిమానా విధించినట్లు తెలిపారు.మండలంలో ఏప్రిల్ 2025నుంచి మార్చి వరకు చేపట్టిన ఉపాధి హామీ పనులపై మండల కేంద్రంలోని రైతు వేదికలో గురువారం అయన సామాజిక తనిఖీ ప్రజా వేదిక కార్యక్రమం నిర్వహించారు.ఈ సందర్భంగా మండలంలోని గ్రామపంచాయతీల వారీగా చేపట్టిన పనులు,రికార్డులు,సోషల్ ఆడిట్ అంశాలను వేదికలో రిసోర్స్ పర్సన్లు నివేదించారు.గ్రామాల వారి నివేదికల విచారణ అనంతరం ఏపీడీ శ్రీనివాస్ గౌడ్ మాట్లాడుతూ.రిజిస్టర్ నిర్వహణ తదితర అంశాల్లో లోపాలు వెళ్లడైనట్లు పేర్కొన్నారు.ఉపాధి హామీ పథకం ద్వారా మండలంలో ఈజీఎస్,పీఆర్ విభాగల కింద మొత్తం రూ.9,27,34,802 నిధులతో 634 పనుల లెక్కలను రిసోర్స్ పర్సన్లు అధికారుల సమక్షంలో నివేదించినట్లు పేర్కొన్నారు.కార్యక్రమంలో ఎంపీడీవో ప్రవీణ్, క్వాలిటీ కంట్రోలర్ సతీష్,సోషల్ ఆడిట్ రిపోర్టర్ గణేష్,ఎంపీఓ ఖలీల్,ఏపీఓ రాములు,ఏఈపీఆర్ తదితరులు పాల్గొన్నారు.సూర్యన్యూస్(బెజ్జంకి)
