సోయంగూడలో అభివృద్ధి పనుల పరిశీలన

సూర్య, జైనూర్ : సిర్పూర్‌ (యు) మండలంలోని కోహినూర్‌ గ్రామపంచాయతీ పరిధిలోని సోయంగూడ గ్రామంలో చేపడుతున్న అభివృద్ధి పనులను అధికారులు పరిశీలించారు. గ్రామీణ ప్రాంతాల్లో ఉపాధి హామీ పథకం ద్వారా చేపడుతున్న పనుల పురోగతిని తెలుసుకోవడంతో పాటు, నిర్మాణ పనుల నాణ్యతను క్షేత్రస్థాయిలో తనిఖీ చేశారు.ఈ సందర్భంగా గ్రామంలో నిర్మిస్తున్న ఫామ్‌పాండ్‌ (వ్యవసాయ కుంట), కమ్యూనిటీ సోక్‌పిట్‌ నిర్మాణ పనులను పరిశీలించారు. పనులు ఏ మేరకు పూర్తయ్యాయి, నిర్మాణంలో నాణ్యతా ప్రమాణాలు పాటిస్తున్నారా అనే అంశాలను పరిశీలించి, సంబంధిత సిబ్బందిని వివరాలు అడిగి తెలుసుకున్నారు. అభివృద్ధి పనులను నాణ్యతతో చేపట్టి, నిర్దేశిత ప్రమాణాలకు అనుగుణంగా పూర్తి చేయడంపై దృష్టి సారించారు.ఈ కార్యక్రమంలో ఎంపీడీఓ రవీందర్‌, గ్రామ సర్పంచ్‌ విజయలక్ష్మి, ఏపీఓ కృష్ణ, టెక్నికల్‌ అసిస్టెంట్‌ (టీఏ), ఫీల్డ్‌ అసిస్టెంట్‌ తదితరులు పాల్గొన్నారు.