రైతుల కరెంటు కష్టాలను తీర్చాలి

రైతుల కరెంటు కష్టాలను తీర్చాలి

రాజీవ్ రహదారిపై కుకునూరుపల్లి బిజెపి మండల కిసాన్ మోర్చా ధర్నా

కుకునూరుపల్లి,మేజర్ న్యూస్..... రైతులకు 24 గంటల ఉచిత విద్యుత్ అందిస్తామని కాంగ్రెస్ మేనిఫెస్టోలో పెట్టి ఓట్లు దండుకొని  అధికారంలోకి రాగానే విద్యుత్ సమస్యలను గాలికి వదిలేసిన కాంగ్రెస్ ప్రభుత్వం, విద్యుత్ సంస్థలను పరిష్కరించాలంటూ శుక్రవారం కుకునూరుపల్లి మండల బిజెపి కిసాన్ మోర్చా ఆధ్వర్యంలో రాజీవ్ రహదారిపై ధర్నా చేసి సబ్ స్టేషన్ లో వినతి పత్రం అందజేశారు.ఈసందర్భంగా బీజేపీ నాయకులు మాట్లాడుతూ, విద్యుత్ సరఫరాలో అంతరాయాల కారణంగా రైతులు తీవ్ర ఇబ్బందులు ఎదుర్కొంటున్నారని తెలిపారు. పంటలకు సరైన సమయంలో నీరు అందక రైతులు నష్టపోయే పరిస్థితులు ఏర్పడుతున్నాయని ఆవేదన వ్యక్తం చేశారు.ప్రభుత్వం రైతులకు ఉచిత విద్యుత్ అందిస్తున్నామని ప్రకటనలు చేయడం మాత్రమే కాకుండా, క్షేత్రస్థాయిలో విద్యుత్ సరఫరా సక్రమంగా జరిగేలా తగిన చర్యలు తీసుకోవాలని డిమాండ్ చేశారు. విద్యుత్ కోతలు, తక్కువ వోల్టేజ్ సమస్యలు, ట్రాన్స్‌ఫార్మర్ల సమస్యలు, విద్యుత్ సరఫరాలో అంతరాయాలను తక్షణమే పరిష్కరించాలని కోరారు.
రైతులకు నాణ్యమైన విద్యుత్‌ను నిరంతరాయంగా అందించడంతో పాటు, విద్యుత్ శాఖ అధికారులు రైతుల సమస్యలపై తక్షణమే స్పందించి వాటి పరిష్కారానికి చర్యలు తీసుకోవాలని బీజేపీ కిసాన్ మోర్చా డిమాండ్ చేసింది.ఈకార్యక్రమంలో 
గుర్రాల స్వామి జిల్లాపార్టీ కౌన్సిల్ మెంబెర్ గౌరారం కృష్ణ, మండల ప్రధాన కార్యదర్శి బోనాల రాజు, యువ మోర్చా మాజీ అధ్యక్షులు ఈసాల నవీన్, పార్టీ సీనియర్ నాయకులు సదానంద గౌడ్,రెడ్డమైన లింగం దాసరి స్వామి రెడ్డమైన నాగరాజు చింతల కర్ణాకర్ మూష్ణం నాగరాజు చిన్న రాజు గాని రాజయ్య  రాజకుమార్ తిప్పారం బూత్ అధ్యక్షులు గడ్డం శేఖర్ రాజు అఖిల్ చందు నరసింహారెడ్డి రోహిత్ తదితరులు పాల్గొన్నారు.