పునగూడ పాఠశాలకు భవనం, కనీస వసతుల అవసరం - సమస్యను అధికారుల దృష్టికి తీసుకెళ్తామన్న ఆదివాసీ విద్యార్థి సంఘం నాయకులు

సూర్య తిర్యాణి  : తిర్యాణి మండలంలోని గోపేర నాగుగూడ గ్రామపంచాయతీ పరిధిలోని పునగూడ గ్రామంలో ఉన్న టీడబ్ల్యూపీఎస్‌ (TWPS) పాఠశాలకు భవనం, కనీస వసతులు లేకపోవడంతో విద్యార్థులు ఇబ్బందులు ఎదుర్కొంటున్నారు. పాఠశాలను సందర్శించిన ఆదివాసీ విద్యార్థి సంఘం మండల ఉపాధ్యక్షుడు రాయి సీడం గంగు, ఉమ్మడి గ్రామపంచాయతీ ఆదివాసీ విద్యార్థి సంఘం కోశాధికారి కోట్నాక రాంషా అక్కడి పరిస్థితులను పరిశీలించారు.

పాఠశాల భవనం లేకపోవడం, కనీస సౌకర్యాలు అందుబాటులో లేకపోవడం వంటి సమస్యలను సంబంధిత ప్రభుత్వ అధికారుల దృష్టికి తీసుకెళ్తామని వారు తెలిపారు. విద్యార్థులకు అవసరమైన వసతులు కల్పించేలా సమస్య పరిష్కారానికి కృషి చేస్తామని హామీ ఇచ్చారు.