అమీనాపూర్‌లో సీఎంఆర్‌ఎఫ్ చెక్కుల పంపిణీ

సూర్య వేల్పూరు : వేల్పూర్ మండలం అమీనాపూర్ గ్రామానికి చెందిన జల్లెండ్ల లావణ్య, అవునూరి రాజేందర్, షేక్ హుస్సేన్ బిలకు మంజూరైన ముఖ్యమంత్రి సహాయ నిధి చెక్కులను గురువారం స్థానిక కాంగ్రెస్ పార్టీ నాయకులు లబ్ధిదారులకు పంపిణీ చేశారు.ఈ సందర్భంగా లబ్ధిదారులు, గ్రామ కాంగ్రెస్ నాయకులు మాట్లాడుతూ వైద్య ఖర్చుల కోసం ఆర్థిక ఇబ్బందులు ఎదుర్కొంటున్న బాధిత కుటుంబాలకు సీఎంఆర్‌ఎఫ్ ద్వారా ఆర్థిక సహాయం అందడం ఎంతో ఉపయుక్తంగా ఉంటుందని తెలిపారు.చెక్కుల మంజూరుకు సహకరించిన బాల్కొండ నియోజకవర్గ కాంగ్రెస్ పార్టీ ఇన్‌చార్జ్ ముత్యాల సునీల్ కుమార్ రెడ్డి, అలాగే ముఖ్యమంత్రి రేవంత్ రెడ్డికి గ్రామ ప్రజలు, లబ్ధిదారుల తరఫున ప్రత్యేక కృతజ్ఞతలు తెలిపారు.ఈ కార్యక్రమంలో కాంగ్రెస్ సీనియర్ నాయకులు ఇంద్ర గౌడ్, నవీన్, భజన్న, కిరణ్ గౌడ్, సెక్రటరీ గణేష్, గొల్ల శ్రీనివాస్, గుంజల వెంకట్ తదితరులు పాల్గొన్నారు.