రాజీనామా ఉపసంహరించుకున్న వైసీపీ నేత పడమటి

భట్టిప్రోలు, మేజర్ న్యూస్:

భట్టిప్రోలు మండల వైయస్సార్ కాంగ్రెస్ పార్టీ కన్వీనర్ పడమటి శ్రీనివాసరావు గతంలో పార్టీ పదవికి తాను చేసిన రాజీనామాను గురువారం ఉపసంహరించుకున్నట్లు తెలిపారు. ఈ సందర్భంగా ఆయన మాట్లాడుతూ వ్యక్తిగత కారణాల రీత్యా,అనివార్య పరిస్థితులలో వైఎస్సార్‌ సీపీ మండల కన్వీనర్ పదవికి రాజీనామా చేయటం జరిగిందని,ప్రస్తుతం ఆ నిర్ణయాన్ని ఉపసంహ పెంచుకుంటున్నట్లు గురువారం ఆయన నిర్వహించిన విలేకరుల సమావేశంలో తెలిపారు. వైఎస్సార్‌సీపీ  మండల కన్వీనర్ గా వచ్చిన ఈ సదవకాశాన్ని జారవిడుచుకోవద్దని పార్టీ కి చెందిన పలువురు పెద్దలు, పార్టీ నాయకులు, కార్యకర్తలు, అభిమానులు తనతో మాట్లాడడం జరిగిందని, ఈ అంశంపై పునరాలోచించాల్సిందిగా వారు తెలపడం జరిగిందన్నారు. ఆ కారణంగా తన నిర్ణయం పై పునరాలోచన చేసి రాజీనా మాను ఉపసంహరించుకున్నట్లు తెలిపారు. రాబోయే రోజుల్లో పార్టీ బలోపేతానికి తన నిర్ణయాన్ని మార్చుకోవడం జరిగిందని,ఈ రాష్ట్ర అభివృద్ధికి వైఎస్సార్‌సీపీ అధినేత,మాజీ ముఖ్యమంత్రి  వైఎస్ జగన్ మోహన్ రెడ్డి నాయకత్వంలో వేమూరు నియోజకవర్గం పార్టీ సమన్వయకర్త వరికూటి అశోక బాబు సహకారంతో మండల అభివృద్ధి ధ్యేయంగా,పార్టీ సిద్ధాంతాలు,ప్రజా సమస్యలపై నిరంతరం పోరాడుతాననీ పేర్కొన్నారు.గతంలో తాను పార్టీ కోసం చేసిన సేవలను, కార్యక్రమాలను కొనసాగిస్తూ, రానున్న రోజుల్లో పార్టీ బలోపేతానికి తన వంతు కృషి చేస్తానని శ్రీనివాసరావు తెలిపారు. 
పార్టీ నాయకులు, కార్యకర్తలు, అభిమానులు, తనపై ఉంచుకున్న నమ్మకానికి ఆయన ప్రత్యేక కృతజ్ఞతలు తెలిపారు.