నిబంధనలు ఉల్లంఘిస్తే అంతే..
నిబంధనలు ఉల్లంఘిస్తే అంతే..
అక్రమ సెల్లార్ స్లాబ్‌ను కూల్చివేసిన టౌన్ ప్లానింగ్ సిబ్బంది
అమీన్‌పూర్, నిబంధనలకు విరుద్ధంగా నిర్మాణాలు చేపడితే చర్యలు తప్పవని జీహెచ్‌ఎంసీ టౌన్ ప్లానింగ్ అధికారులు స్పష్టం చేశారు. అమీన్‌పూర్ జీహెచ్‌ఎంసీ సర్కిల్ పరిధిలో నిబంధనలకు విరుద్ధంగా చేపట్టిన సెల్లార్ స్లాబ్ నిర్మాణాన్ని టౌన్ ప్లానింగ్ సిబ్బంది గురువారం కూల్చివేశారు.
ముందస్తుగా అవసరమైన నిర్మాణ అనుమతులు పొందకుండా, టౌన్ ప్లానింగ్ నిబంధనలను ఉల్లంఘిస్తూ సెల్లార్ స్లాబ్ నిర్మాణం చేపట్టినట్లు అధికారులు గుర్తించారు. దీంతో సంబంధిత నిర్మాణాన్ని తొలగించే చర్యలు చేపట్టారు.అనుమతులు లేకుండా లేదా నిబంధనలకు విరుద్ధంగా నిర్మాణాలు చేపడితే ఉపేక్షించబోమని అధికారులు తెలిపారు. నిర్మాణదారులు ముందుగానే సంబంధిత అనుమతులు పొందడంతో పాటు, మంజూరైన ప్లాన్‌కు అనుగుణంగానే నిర్మాణాలు చేపట్టాలని సూచించారు.ఈ కూల్చివేత చర్యల్లో టౌన్ ప్లానింగ్ సిబ్బంది, సంబంధిత అధికారులు తదితరులు పాల్గొన్నారు.
