కాంగ్రెస్ కార్యకర్త కుటుంబానికి ఆర్థిక సహాయం.

కాంగ్రెస్ కార్యకర్త కుటుంబానికి ఆర్థిక సహాయం.

కోదాడ (మేజర్ న్యూస్)ఆళ్ల భాగ్యరాజ్ లేని లోటు కాంగ్రెస్ పార్టీకి తీరనిది అని పీసీసీ డెలిగేట్ చింతకుంట్ల లక్ష్మీనారాయణ రెడ్డి, జిల్లా గ్రంధాలయ చైర్మన్ వంగవీటి రామారావు లు అన్నారు. గురువారం కోదాడ పట్టణంలో పారా సీతన్న మిత్రమండలి ఆధ్వర్యంలో భాగ్యరాజ్ ప్రధమ వర్ధంతి సందర్భంగా పట్టణంలోని పబ్లిక్ క్లబ్ లో కాంగ్రెస్ పార్టీ సీనియర్ నాయకుడు, మాజీ సర్పంచ్ పారా సీతయ్యతో కలిసి ఆయన చిత్రపటానికి పూలమాలలు వేసి ఘనంగా నివాళులు అర్పించారు. ఈ సందర్భంగా మిత్రమండలి ఆధ్వర్యంలో సేకరించిన ఒక లక్ష 50 వేల రూపాయలను భాగ్యరాజ్ కుటుంబ సభ్యులకు అందజేశారు. ఈ సందర్భంగా వారు మాట్లాడుతూ యువజన కాంగ్రెస్, సోషల్ మీడియా విభాగాల్లో అంకితభావంతో విశిష్ట సేవలందించి కాంగ్రెస్ పార్టీకి నిబద్ధతతో పనిచేసిన భాగ్యరాజ్ సేవలు చిరస్మరణీయమని ఆయన సేవలను కొనియాడారు. వారి కుటుంబానికి పారా సీతన్న మిత్ర మండలి అండగా నిలవడం అభినందనీయమన్నారు. ఈ కార్యక్రమంలో నాయకులు బాల్ రెడ్డి, సైదా నాయక్, వీరారెడ్డి, కొండల్ రెడ్డి, స్టాలిన్, కట్టేబోయిన శ్రీనివాస్, ప్రసాద్ రెడ్డి, గుండెల సూర్యనారాయణ, యాకూబ్, వేముల వెంకటేశ్వర్లు, పిడతల శ్రీను, చింతలపాటి శేఖర్ తదితరులు పాల్గొన్నారు.